മഞ്ചേരി: പതിനഞ്ചുകാരനെ തട്ടിക്കൊണ്ടു പോയി പീഡിപ്പിച്ച പ്രതിക്ക് 34 വര്ഷം കഠിന തടവും 2.85 ലക്ഷം രൂപ പിഴയും ശിക്ഷ. വേങ്ങര പത്തമുച്ചി ചേലുപാടത്ത് അബ്ദുല് ഖാദറിനെ (49)യാണ് മഞ്ചേരി സ്പെഷ്യല് പോക്സോ കോടതി ജഡ്ഡി എ എം അഷ്റഫ് ശിക്ഷിച്ചത്. പോക്സോ ആക്ടി ലെ സെക്ഷന് മൂന്ന് പ്രകാരം 20 വര്ഷം കഠിന തടവും രണ്ട് ലക്ഷം രൂപ പിഴയുമാണ് ശിക്ഷ. പിഴയടക്കാത്ത പക്ഷം മൂന്ന് മാ സത്തെ അധിക തടവ് അനുഭവി ക്കണം. തട്ടിക്കൊണ്ടുപോയതി ന് ഏഴ് വര്ഷം കഠിന തടവും അരലക്ഷം രൂപ പിഴയും ഭീഷണി പ്പെടുത്തിയതിന് രണ്ട് വര്ഷം കഠിന തടവും 10,000 രൂപ പിഴയും ശിക്ഷ വിധിച്ചു. പോക്സോ ആക്ട് പ്രകാരം അഞ്ച് വര്ഷം കഠിന തടവും 25,000 രൂപ പിഴ യും ഒടുക്കണം. പിഴയടക്കാത്ത പക്ഷം ഓരോ വകുപ്പിലും ഒരുമാ സംവീതം അധിക തടവ് അനുഭ വിക്കണം.
2022 ആഗസ്തിലാണ് സംഭവം. സ്കൂള് ബസ് കാത്തുനില്ക്കുക യായിരുന്നു കുട്ടിയെ പ്രതി ബൈക്കില് കയറ്റിക്കൊണ്ടുപോയി ലൈംഗികമായി പീഡിപ്പിച്ചു വെന്നാണ് കേസ്. വേങ്ങര പൊലീസ് ഇന്സ്പെക്ടര് എം ഹനീഫയാണ് കേസന്വേഷണം നടത്തി കുറ്റപത്രം സമര്പ്പിച്ചത്. പ്രോസിക്യൂഷനുവേണ്ടി സ്പെഷ്യല് പബ്ലിക് പ്രോസിക്യൂട്ടര് അഡ്വ. എ സോമസുന്ദരന് ഹാജരായി. 17 സാക്ഷികളെ വിസ്തരിച്ചു. 18 രേഖകളും ഹാജരാക്കി. പ്രതിയെ തവനൂര് സെന്ട്രല് ജയിലിലേക്കയച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
