രാജ്യത്ത് പെട്രോളിനും ഡീസലിനും ഇന്നും വില വര്ധന. കഴിഞ്ഞ ഏഴ് ദിവസത്തിനിടെ ആറ് ദിവസവും വില ഉയര്ന്നിരുന്നു. കഴിഞ്ഞ എട്ടുദിവസത്തിനുള്ളില് ആറ് രൂപയോളമാണ് കൂട്ടിയത്. ഇന്ന് ഒരു ലിറ്റര് ഡീസലിന് 74 പൈസയാണ് വര്ധിക്കുക. ഒരു ലിറ്റര് പെട്രോളിന് 87 പൈസയും വര്ധിക്കും.
രാജ്യത്തെ നിത്യോപയോഗ സാധനങ്ങളുടെയും പൊതുഗതാഗത സംവിധാനങ്ങളുടെയും വിലയും നിരക്കുകളും നിര്ബന്ധിക്കാന് ഇത് കാരണമാകും. ഇന്ധന വിലയില് ഇന്നലെയും വര്ധനയുണ്ടായിരുന്നു. ഒരു ലിറ്റര് പെട്രോളിന് 32 പൈസയായിരുന്നു വര്ധിപ്പിച്ചത്. ഒരു ലിറ്റര് ഡീസലിന് 37 പൈസയുമാണ് വര്ധിപ്പിച്ചത്.
അഞ്ച് സംസ്ഥാനങ്ങളിലെ തിരഞ്ഞെടുപ്പിനെത്തുടര്ന്ന് കഴിഞ്ഞ നാല് മാസമായി ഇന്ധന വില വര്ധിപ്പിച്ചിരുന്നില്ല. ഫല പ്രഖ്യാപനത്തിന് പിന്നാലെ ഇന്ധന വില കുത്തനെ ഉയരുമെന്ന് റിപ്പോര്ട്ടുകളുണ്ടായിരുന്നെങ്കിലും ഒരാഴ്ച കഴിഞ്ഞതോടെയാണ് എണ്ണക്കമ്പനികള് വീണ്ടും വില വര്ധിപ്പിച്ച് തുടങ്ങിയത്. വരും ദിവസങ്ങളിലും ഇന്ധന വില കൂടുമെന്നാണ് കരുതുന്നത്.
