ഉത്തര്പ്രദേശിലെ ലക്നൗവില് തന്നെ പബ്ജി കളിക്കാന് അനുവദിക്കാത്ത അമ്മയെ 16 വയസ്സുകാരന് വെടിവച്ച് കൊന്നു. അച്ഛന്റെ തോക്ക് ഉപയോഗിച്ചാണ് മകന് അമ്മയ്ക്ക് നേരെ വെടിയുതിര്ത്തത്. കൊലപാതകത്തിന് പിന്നാലെ കുട്ടിയെ കസ്റ്റഡിയിലെടുത്തെന്ന് ലക്നൗ പൊലീസ് വ്യക്തമാക്കി.
്ലക്നൗ പൊലീസ് തുടര്ന്ന് അന്വേഷണം ആരംഭിച്ചു. അന്വേഷണത്തിന്റെ ആദ്യഘട്ടത്തില് ഇല്ലാത്ത കൊലപാതകിയെ സൃഷ്ടിച്ച് കുട്ടി പൊലീസിനെ വഴി തിരിച്ചുവിടാന് ശ്രമിച്ചു. ഒരു ഇലക്ട്രീഷ്യനാണ് കൊലപാതകിയെന്ന തരത്തില് കുട്ടി പൊലീസിനോട് പറഞ്ഞിരുന്നു. എന്നാല് കൊലപാതകം നടത്തിയത് അച്ഛന്റെ തോക്കുകൊണ്ടാണെന്നും പിന്നില് കുട്ടിയാണെന്നും കണ്ടെത്തിയതോടെ കുട്ടിയെ പൊലീസ് കസ്റ്റഡിയിലെടുത്തു.
മകന് പബ്ജിയില് അടിമപ്പെട്ടതായി മനസ്സിലാക്കിയതോടെയാണ് കുട്ടിയെ അമ്മ പബ്ജി കളിക്കുന്നതില് നിന്ന് വിലക്കിയത്. പല തവണ ആവശ്യപ്പെട്ടിട്ടും മൊബൈല് നല്കാന് അമ്മ തയ്യാറാകാതെ വന്നതോടെ അച്ഛന്റെ തോക്കെടുത്ത് അമ്മയെ കുട്ടി വെടിവച്ച് കൊല്ലുകയായിരുന്നുവെന്ന് പൊലീസ് പറഞ്ഞു.
