തിരുവനന്തപുരം:മുന് മുഖ്യമന്ത്രി ഉമ്മന് ചാണ്ടിയുടെ സംസ്കാരച്ചടങ്ങുകളില് ഔദ്യോഗിക ബഹുമതികള് ഉണ്ടാവില്ല. ഔദ്യോഗിക ബഹുമതികള് വേണ്ടെന്ന ഉമ്മന് ചാണ്ടിയുടെ അഭിലാഷം കുടുംബാംഗങ്ങള് രേഖാമൂലം അറിയിച്ച സാഹചര്യത്തിലാണ് സര്ക്കാര് ഈ തീരുമാനം എടുത്തത്. അദേഹത്തിന്റെ കുടുംബങ്ങളുമായി സംസാരിച്ച ശേഷമാണ് ഇക്കാര്യത്തില് തീരുമാനമായത്.
ഔദ്യോഗിക ബഹുമതി വേണ്ടെന്ന ആഗ്രഹം ഉമ്മന് ചാണ്ടി പ്രകടിപ്പിച്ചതായി അദേഹത്തിന്റെ ഭാര്യ പൊതുഭരണ വകുപ്പിനെ രേഖാമൂലം അറിയിച്ചിരുന്നു. അതെസമയം ഉമ്മന് ചാണ്ടിക്ക് പൂര്ണ ബഹുമതി നല്കണമെന്നായിരുന്നു മുഖ്യമന്ത്രി പിണറായി വിജയന് മന്ത്രിസഭാ യോഗത്തില് അഭിപ്രായപ്പെട്ടത്.
ഇക്കാര്യത്തില് വ്യത്യസ്ത അഭിപ്രായം ഉയര്ന്നുവന്നതോടെ കുടുംബാംഗങ്ങളുമായി സംസാരിച്ച് അന്തിമതീരുമാനമെടുക്കാന് ചീഫ് സെക്രട്ടറിയെ മന്ത്രിസഭായോഗം ചുമതലപ്പെടുത്തുകയായിരുന്നു.
