തിരുവനന്തപുരം: സംസ്ഥാനത്തെ വൈദ്യുതി നിരക്ക് വരുന്ന സാമ്പത്തിക വര്ഷം ഒരു രൂപ വര്ധിപ്പിക്കണം എന്ന ആവശ്യവുമായി കെഎസ്ഇബി. അഞ്ചു വര്ഷത്തേക്ക് യൂണിറ്റിന് പരമാവധി 1.50 രൂപയുടെ വര്ധനയും പ്രതീക്ഷിക്കുന്നു. 5 വര്ഷത്തേക്കു വൈദ്യുതി നിരക്കു പുതുക്കി നിശ്ചയിക്കുന്നതു സംബന്ധിച്ചു കെഎസ്ഇബി തയാറാക്കിയ താരിഫ് പെറ്റിഷന് അംഗീകാരത്തിനായി ഇന്നു റഗുലേറ്ററി കമ്മിഷനു സമര്പ്പിക്കും.
വൈദ്യുതി നിരക്കു പുതുക്കുന്നതുമായി ബന്ധപ്പെട്ടു വൈദ്യുതി ബോര്ഡിലെ ട്രേഡ് യൂണിയന് പ്രതിനിധികള്, ഉദ്യോഗസ്ഥ സംഘടനാ പ്രതിനിധികള് എന്നിവരുമായി മന്ത്രി കെ.കൃഷ്ണന്കുട്ടി കെഎസ്ഇബി ചെയര്മാന് ബി.അശോക് എന്നിവര് ചര്ച്ച നടത്തി. സംസ്ഥാന ഉപഭോക്തൃ സംഘടനകളുമായും കഴിഞ്ഞ ദിവസം ചര്ച്ച നടത്തിയിരുന്നു. കോവിഡ് സാഹചര്യം കണക്കിലെടുത്ത് നിരക്കുവര്ധന ഒഴിവാക്കണമെന്നായിരുന്നു ഉപഭോക്തൃ സംഘടനകളുമായും കഴിഞ്ഞ ദിവസം ചര്ച്ച നടത്തിയിരുന്നു. കോവിഡ് സാഹചര്യം കണക്കിലെടുത്ത് നിരക്കുവര്ധന ഒഴിവാക്കണമെന്നായിരുന്നു ഉപഭോക്തൃ സംഘടനകളുടെ ആവശ്യം.
നിരക്കു വര്ധന സംബന്ധിച്ച് അന്തിമ തീരുമാനമെടുത്തിട്ടില്ലെന്നു മന്ത്രി കൃഷ്ണന്കുട്ടി പറഞ്ഞു.
