HIGHLIGHTS : One biscuit less in the packet; The court awarded a compensation of Rs
പാക്കറ്റില് ഒരു ബിസ്കറ്റ് കുറവു വന്നതിന് കമ്പനി ഉപഭോക്താവിന് ഒരു ലക്ഷം രൂപ നഷ്ടപരിഹാരം നല്കണമെന്ന് ഉപഭോക്തൃ കോടതി വിധി. സണ്ഫീസ്റ്റ് മാരി ലൈറ്റ് ബിസ്കറ്റ് ഉത്പാദിപ്പിക്കുന്ന ഐടിസി ഫുഡ് ഡിവിഷനാണ് തിരുവള്ളൂര് ജില്ലാ ഉപഭോക്തൃ കോടതിയുടെ നിര്ദേശം.
പാക്കറ്റില് പറഞ്ഞതിനേക്കാള് ഒരു ബിസ്കറ്റ് കുറവാണ് ഉള്ളില് ഉള്ളത് എന്നാണ് ഉപഭോക്തൃ ഫോറം കണ്ടെത്തിയത്. ഈ ബാച്ചിലുള്ള ബിസ്കറ്റ് വില്ക്കുന്നതു നിര്ത്തിവയ്ക്കാനും കമ്പനിക്കു ഫോറം നിര്ദേശം നല്കി. തെറ്റായ കച്ചവട ശീലമാണ് ഇതെന്നു ഫോറം വിമര്ശിച്ചു.
ചെന്നൈ സ്വദേശിയായ പി ദില്ലി ബാബു എന്നയാളാണ് ഹിമാചല് പ്രദേശിലെ മണാലിയില് നിന്ന് ബിസ്കറ്റ് വാങ്ങിയത്. തെരുവ് നായ്ക്കള്ക്ക് നല്കാനായിരുന്നു ബിസ്കറ്റ് വാങ്ങിയത്. 2021 ഡിസംബറിലായിരുന്നു സംഭവം.
പരസ്യത്തില് 16 ബിസ്കറ്റ് എന്നാണ് പറഞ്ഞിരുന്നതെങ്കിലും പാക്കറ്റില് 15 എണ്ണമേ ഉള്ളു എന്നാണ് പരാതിക്കാരന് അറിയിച്ചത്. എണ്ണമല്ല, തൂക്കമാണ് അടിസ്ഥാനമാക്കേണ്ടതെന്ന കമ്പനിയുടെ വാദം ഫോറം അംഗീകരിച്ചില്ല. ബിസ്കറ്റിന്റെ എണ്ണം പാക്കറ്റില് വ്യക്തമായി പറഞ്ഞിട്ടുണ്ടെന്നും ഇതാണ് ഉപഭോക്താക്കള് കാണുന്നതെന്നും ഫോറം ചൂണ്ടിക്കാട്ടി. ഉത്പന്നത്തെക്കുറിച്ച് പാക്കറ്റിലുള്ള വിവരങ്ങള് ഉപഭോക്താവിനെ സ്വാധീനിക്കുന്നവയാണ്. പലരും അതു നോക്കിയാണ് ഉത്പന്നം വാങ്ങുന്നത്. ഇവിടെ ഉപഭോക്താവിനെ തെറ്റിദ്ധരിപ്പിക്കലാണ് നടന്നിരിക്കുന്നത്. ഇത് തെറ്റായ കച്ചവട രീതിയാണെന്ന് ഫോറം കുറ്റപ്പെടുത്തി.
ബിസ്ക്കറ്റ് വിറ്റ കച്ചവടക്കാരന് തെറ്റില് പങ്കില്ലെന്നും അതുകൊണ്ട് അവര്ക്കെതിരെ നടപടിയെടുക്കാനാവില്ലെന്നും ഫോറം വ്യക്തമാക്കി.
ബിസ്ക്കറ്റ് പാക്കറ്റിങ്ങിലൂടെ കമ്പനി ഉപഭോക്താക്കളെ വഞ്ചിക്കുകയാണെന്ന് പരാതിക്കാരന് പറഞ്ഞു. പേക്കറ്റില് ഒരു ബിസ്ക്കറ്റ് കുറച്ച് നല്കി പ്രതിദിനം 29 ലക്ഷം രൂപയിലധികം പൊതുജനങ്ങളെ വഞ്ചിക്കുകയാണെന്നും അദ്ദേഹം പരാതിയില് ചൂണ്ടിക്കാട്ടി. ഓരോ ബിസ്ക്കറ്റിനും 75 രൂപയാണ് വിലയെന്ന് ഇയാള് പറഞ്ഞു. നിര്മ്മാതാക്കള് പ്രതിദിനം 50 ലക്ഷം രൂപയുടെ പാക്കറ്റുകള് നിര്മ്മിക്കുന്നു. ഇതിന്റെ അടിസ്ഥാനത്തില്, സ്ഥാപനം പ്രതിദിനം 29 ലക്ഷം രൂപയിലധികം പൊതുജനങ്ങളെ വഞ്ചിച്ചതായും ഇദ്ദേഹം പറഞ്ഞു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു