മലപ്പുറം: നിലമ്പൂര് ഫോറസ്റ്റ് ഓഫീസ് ഡിഎംകെ പ്രവര്ത്തകര് തകര്ത്തുവെന്ന കേസില് പി വി അന്വര് എം.എല്.എ അറസ്റ്റില്. ഒതായിയിലെ വീട്ടിലെത്തിയാണ് നിലമ്പൂര് പൊലീസ് അറസ്റ്റ് രേഖപ്പെടുത്തിയത്. ജാമ്യമില്ല. കേസില് അറസ്റ്റിലായ പി.വി. അന്വര് എം.എല്.എയെ 14 ദിവസത്തേക്ക് റിമാന്ഡ് ചെയ്തു. തവനൂര് സബ് ജയിലിലേക്കാണ് അദ്ദേഹത്തെ മാറ്റിയത്. പോരാട്ടം തുടരുമെന്ന് പി.വി. അന്വര് റിമാന്ഡിന് പിന്നാലെ മാധ്യമങ്ങളോട് പറഞ്ഞു.
നിലമ്പൂര് സിഐ സുനില് പള്ളിക്കലിന്റെ നേതൃത്വത്തിലുള്ള സംഘമാണ് പി വി അന്വറിന്റേ വീട്ടിലെത്തി അറസ്റ്റ് രേഖപ്പെടുത്തിയത്. വന് പൊലീസ് സന്നാഹവുമായിട്ടാണ് നേതൃത്വം വീട്ടിലെത്തിയത്. നിലമ്പൂര് ഫോറസ്റ്റ് ഓഫീസ് ഡിഎംകെ പ്രവര്ത്തകര് തകര്ത്ത സംഭവത്തിലാണ് പൊലീസ് നടപടി. പി വി അന്വര് ഉള്പ്പടെ 11 ഓളം പേര്ക്കെതിരെയാണ് പൊലീസ് കേസെടുത്തിരിക്കുന്നത്. കൃത്യനിര്വഹണം തടസ്സപ്പെടുത്തല്, പൊതു മുതല് നശിപ്പിക്കല് അടക്കമുള്ള വകുപ്പുകള് പ്രകാരമാണ് കേസ്. പി വി അന്വറാണ് കേസിലെ ഒന്നാം പ്രതി.
കാട്ടാനയാക്രമണത്തില് യുവാവ് മരിച്ച സംഭവത്തിലായിരുന്നു ഡിഎംകെ പ്രവര്ത്തകര് നിലമ്പൂര് ഫോറസ്റ്റ് ഓഫീസിലേക്ക് പ്രതിഷേധം നടത്തിയത്. പി വി അന്വര് എംഎല്എയുടെ നേതൃത്വത്തിലായിരുന്നു പ്രതിഷേധം. പ്രതിഷേധക്കാര് നിലമ്പൂര് ഫോറസ്റ്റ് ഓഫീസ് അടിച്ചുതകര്ക്കുകയും ചെയ്തിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
