നാളെ മഹാബലിപുരത്തുവച്ച് നടക്കാനിരിക്കുന്ന കോളിവുഡിലെ ഏറെ ശ്രദ്ധിക്കപ്പെട്ട പ്രണയജോടിയായ നടി നയന്താരയും സംവിധായകനും നിര്മാതാവുമായ വിഘ്നേഷ് ശിവന്റെയും വിവാഹത്തിന്റെ ക്ഷണക്കത്ത് സോഷ്യല് മീഡിയയില് വൈറല്. വിവാഹ ക്ഷണപത്രത്തിന്റെ വീഡിയോ രൂപവും പ്രചരിക്കുന്നുണ്ട്. തെന്നിന്ത്യന് സിനിമാപ്രേമികള് കാത്തിരിക്കുന്ന താരവിവാഹമാണ് നയന്താരയുടെയും വിഘ്നേഷ് ശിവന്റെയും വിവാഹം. തങ്ങള്ക്കിടയിലെ അടുപ്പം ഇരുവരും പരസ്യമാക്കിയ കാലം മുതല് വിവാഹം എപ്പോഴാണെന്ന ചോദ്യം ആരാധകര്ക്കിടയിലുണ്ട്.
മഹാബലിപുരം ഷെറാട്ടണ് ഗ്രാന്ഡ് ഹോട്ടലില് വച്ചാണ് വിവാഹം. രാവിലെ 8.30ന് ചടങ്ങുകള് ആരംഭിക്കും. പങ്കെടുക്കുന്നവര്ക്കുള്ള ഡ്രസ് കോഡ് അടക്കമുള്ള കാര്യങ്ങള് ക്ഷണക്കത്തില് അറിയിച്ചിട്ടുണ്ട്. ഡ്രസ് കോഡ്
എത്തനിക് പേസ്റ്റര്സ് ആണ്. ഇരുവരുടെയും കുടുംബാംഗങ്ങളും അടുത്തബന്ധുക്കളും സുഹൃത്തുക്കളും മാത്രമാകും പങ്കെടുക്കുക.
ഏഴ് വര്ഷത്തെ പ്രണയത്തിനൊടുവിലാണ് നയന്താരയും വിഘ്നേഷും വിവാഹിതരാകുന്നത്. നാനും റൗഡിതാന് എന്ന സിനിമയുടെ സെറ്റില് വച്ചായിരുന്നു നയന്താരയും വിഘ്നേഷും പ്രണയത്തിലാകുന്നത്. പിന്നിട് ഇരുവരും തമ്മിലുള്ള ചിത്രങ്ങളും വീഡിയോകളും സമൂഹമാധ്യമങ്ങളില് വൈറലാകുകയും ചെയ്തിരുന്നു.
വിവാഹച്ചടങ്ങിന്റെ സംപ്രേഷണാവകാശം ഒ.ടി.ടി. പ്ലാറ്റ്ഫോമായ നെറ്റ്ഫ്ളിക്സിനാണ്. തങ്ങളുടെ വിവാഹനിശ്ചയം കഴിഞ്ഞ വിവരം നയന്താര 2021 സെപ്റ്റംബറില് നല്കിയ ഒരു അഭിമുഖത്തില് വെളിപ്പെടുത്തിയിരുന്നു. ഏറ്റവുമടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ചെറിയ ചടങ്ങായിരുന്നു അത്. അതേസമയം വിവാഹക്കാര്യം ആരാധകരെയും അഭ്യുദയകാക്ഷികളെയും അറിയിക്കുമെന്നും അവര് അറിയിച്ചിരുന്നു.
