തിരുവനന്തപുരം: കേന്ദ്ര സര്ക്കാരിന്റെ നയങ്ങള്ക്കെതിരെ സംയുക്ത തൊഴിലാളി സംഘടനകള് പ്രഖ്യാപിച്ച 24 മണിക്കൂര് ദേശീയ പണിമുടക്ക് ആറ് മണിക്കൂര് പിന്നിട്ടു. കേന്ദ്രസര്ക്കാര് നയങ്ങളില് പ്രതിഷേധിച്ച് 10 തൊഴിലാളി യൂണിയനുകള് സംയുക്തമായാണ് രാജ്യവ്യാപകമായി പണിമുടക്കിന് ആഹ്വാനം ചെയ്തത്. ഇന്ന് നടക്കുന്ന ദേശീയ പണിമുടക്കിനെ നേരിടാനായി ഡയസ്നോണ് പ്രഖ്യാപിച്ച് സംസ്ഥാന സര്ക്കാര്. ജീവനക്കാര്ക്ക് ജോലിക്ക് എത്തിയില്ലെങ്കില് ശമ്പളം കുറക്കും. പണിമുടക്ക് ദിവസത്തെ ശമ്പളം ഓഗസ്റ്റ് മാസത്തെ ശമ്പളത്തില് നിന്ന് കുറവ് ചെയ്യും.
അഖിലേന്ത്യാ പണിമുടക്കിന് മുന്നോടിയായി കെഎസ്ആര്ടിസിയും ഡയസ്നോണ് പ്രഖ്യാപിച്ചു.ബുധനാഴ്ച സാധാരണപോലെ സര്വീസുകള്
നടത്തണമെന്നു കെഎസ്ആര്ടിസി മാനേജ്മെന്റ് അറിയിച്ചു. കര്ഷകര്, ബേങ്കിങ് മേഖല, ഇന്ത്യാ പോസ്റ്റ്, കല്ക്കരി ഖനനം, ഫാക്ടറികള്, പൊതുഗതാഗതം തുടങ്ങിയ മേഖലയില് നിന്നുള്ള തൊഴിലാളികള് പണിമുടക്കുമെന്ന് തൊഴിലാളി സംഘടനകള് പറയുന്നു.
എഐടിയുസി, ഹിന്ദ് മസ്ദൂര് സഭ, സംയുക്ത കിസാന് മോര്ച്ച, ഐഎന്ടിയുസി, സിഐടിയു, ഓള് ഇന്ത്യ യുണൈറ്റഡ് ട്രേഡ് യൂണിയന് സെന്റര്, ട്രേഡ് യൂണിയന് കോര്ഡിനേറ്റ് സെന്റര്, സെല്ഫ് എംപ്ലോയ്ഡ് വുമണ്സ് അസോസിയേഷന്, ഓള് ഇന്ത്യ സെന്ട്രല് കൗണ്സില് ഓഫ് യൂണിയന്സ്, ലേബര് പ്രോഗ്രസീവ് ഫെഡറേഷന്, യുണൈറ്റഡ് ട്രേഡ് യൂണിയന് കോണ്ഗ്രസ് തുടങ്ങിയ സംഘടനകളാണ് പണിമുടക്കില് പങ്കെടുക്കുക.
യൂണിയനുകള് മുന്നോട്ടുവെച്ച 17 ഇന നിര്ദ്ദേശങ്ങള് കേന്ദ്രസര്ക്കാര് തുടര്ച്ചയായി അവഗണിക്കുന്നതില് പ്രതിഷേധിച്ചാണ് സമരം കേരളത്തില് സിഐടിയു, എഐടിയുസി, ഐഎന്ടിയുസി എന്നീ സംഘടനകള് പണിമുടക്കില് പങ്കെടുക്കും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
