പൂണൈ:സാമൂഹിക പ്രവര്ത്തകന് നരേന്ദ്ര ദബോല്ക്കര് വധക്കേസില് സൂത്രധാരനടക്കം മൂന്ന് പ്രതികളെ പൂനെയിലെ കോടതി വെറുതെ വിട്ടു. ബൈക്കിലെത്തിയ രണ്ട് പേര് മാത്രമാണ് കുറ്റക്കാര്. ഇവര്ക്ക് ജീവപര്യന്തം തടവ് ശിക്ഷിച്ചു. സച്ചിന് അന്ദുരെ, ശരദ് കലാസ്കര് എന്നിവര്ക്കാണ് ജീവപര്യന്തം തടവും അഞ്ചുലക്ഷം രൂപ പിഴയും വിധിച്ചത്.
അന്ധവിശ്വാസം തുടച്ച് നീക്കാന് മുന്നിട്ടിറങ്ങിയ ദബോല്ക്കറെ വെടിവച്ച് കൊന്ന കേസില് പതിനൊന്ന് വര്ഷത്തിന് ശേഷം കോടതി ശിക്ഷ വിധിച്ചത്. ബൈക്കിലെത്തി വെടിവച്ച രണ്ട് പേര് മാത്രം കുറ്റക്കാര്. ഇതിന് പിന്നിലെ സൂത്രധാരരെന്ന് സിബിഐ കണ്ടെത്തിയ രണ്ട് പേരും തെളിവ് നശിപ്പിച്ച ഒരു അഭിഭാഷകനും കുറ്റ വിമുക്തരായി. 2013 ഓഗസ്റ്റിലാണ് അന്ധാശ്രദ്ധാ നിര്മൂലെന് സമിതി നരേന്ദ്ര ദബോല്ക്കല് കൊല്ലപ്പെട്ടത്. പ്രഭാത സവാരിക്കിടെ ബൈക്കിലെത്തിയ രണ്ട് പേര് വെടിവച്ചക്കുകയായിരുന്നു.
ആദ്യം പൊലീസും പിന്നീട് സിബിഐയുമാണ് അന്വേഷിച്ചത്. സനാതന് സന്സ്ത എന്ന തീവ്ര ഹിന്ദു സംഘടനയുടെ പങ്ക് സിബിഐ കണ്ടെത്തി. ദബോല്ക്കറെ കൊന്നാല് അദ്ദേഹത്തിന്റെ സംഘടന ഇല്ലാതാവുമെന്നായിരുന്നു ഗൂഡാലോച സംഘത്തിന്റെ കണക്ക് കൂട്ടല്. വീരേന്ദ്ര സിംഗ് താവഡെ, വിക്രം ഭാവെ എന്നിവരായിരുന്നു ഗൂഢാലോചനക്ക് പിന്നിലെന്ന് സിബിഐ കണ്ടെത്തി. ഇവരെയും അറസ്റ്റ് ചെയ്തു. തെളിവി നശിപ്പിച്ചതിന് സഞ്ജീവ് പുനലെക്കര് എന്ന അഭിഭാഷകനും അറസ്റ്റിലായി. എന്നാല് ഇവര്ക്കെതിരെ തെളിവുകള് ശക്തമല്ലെന്നാണ് കോടതി നിരീക്ഷണം. ബൈക്കിലെത്തി വെടിവച്ചവര് ജീവപര്യന്തത്തിനൊപ്പം 5 ലക്ഷം വീതം പിഴയും ഒടുക്കണം.
