പാലക്കാട്: പാലക്കാട് വാഹനങ്ങള് ചീറിപ്പായുന്ന റോഡില് നിന്ന് പിഞ്ചുകുഞ്ഞിനെ രക്ഷിച്ച കാര് യാത്രക്കാരുടെ ദൃശ്യങ്ങള് കഴിഞ്ഞ ദിവസം വൈറലായിരുന്നു. മലപ്പുറം പൊന്നാനിയിലെ മുഷിറുദ്ദീന് ബന്ധുക്കളുമാണ് പാലക്കാട് കൊപ്പത്തുള്ള ഒരു വയസ്സുകാരന് റിബാനെ വലിയൊരു അപകടത്തില് നിന്ന് രക്ഷിച്ചത്.
ബന്ധുവിനെ ആശുപത്രിയില് സന്ദര്ശിച്ച് മടങ്ങും വഴിയാണ് കൊപ്പത്ത് വാഹനങ്ങള് ചീറിപ്പായുന്ന റോഡില് നിന്ന് ഒരു വയസുകാരനേ രക്ഷപ്പെടുത്തി വീട്ടുകാര്ക്ക് കൈമാറിയത്. കുഞ്ഞിനെ ജീവിതത്തിലേക്ക് തിരിച്ച് കൊണ്ടുവന്ന വരാന് പറ്റിയതില് സന്തോഷമുണ്ടെന്ന് ഇവര് പറയുന്നു. വാഹനം ഓടിച്ചിരുന്ന അജ്മലാണ് കുഞ്ഞിനെ ആദ്യം കാണുന്നത്. ഒപ്പമുണ്ടായിരുന്നു മുസീറാണ് വാഹനത്തില് നിന്നിറങ്ങി കുഞ്ഞിനെ വീട്ടുകാരെ ഏല്പ്പിച്ചത്.
റോഡിലേക്ക് ഒറ്റയ്ക്ക് ഇറങ്ങി പോയ പിഞ്ചു കുഞ്ഞിനെ രക്ഷപ്പെടുത്തുന്ന കാര് യാത്രക്കാരുടെ ദൃശ്യങ്ങള് സമൂഹമാധ്യമങ്ങളിലടക്കം വൈറലായിരുന്നു. കൊപ്പം വളാഞ്ചേരി പാതയിലെ ഒന്നാന്തിപടിയിലായിരുന്നു സംഭവം. വലിയൊരു അപകടത്തില് നിന്ന് തലനാരിഴയ്ക്കാണ് കുഞ്ഞ് രക്ഷപ്പെട്ടത്. കഴിഞ്ഞ ശനിയാഴ്ചയാണ് സംഭവം.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
