കൊച്ചി: കേരള ക്രിക്കറ്റ് അസോസിയേഷന് (കെ.സി.എ) സംഘടിപ്പിക്കുന്ന പ്രഫഷനല് ക്രിക്കറ്റ് ലീഗായ കേരള ക്രിക്കറ്റ് ലീഗിന്റെ (കെ.സി.എല്) ബ്രാന്ഡ് അംബാസഡറായി സൂപ്പര് താരം മോഹന്ലാല് എത്തും. ‘ഏറെ അഭിമാനത്തോടെയും സന്തോഷത്തോടെയുമാണ് കെ.സി.എല്ലിന്റെ ഭാഗമാകുന്നതെന്ന് അദ്ദേഹം പറഞ്ഞു. ഒട്ടേറെ മികച്ച പ്രതിഭകള് കേരള ക്രിക്കറ്റില് ഉണ്ടാകുന്നുണ്ട്. അവര്ക്ക് ദേശീയ ശ്രദ്ധയും അതുവഴി മികച്ച അവസരങ്ങളും കൈവരാനുള്ള അവസരമാണ് ലീഗിലൂടെ ഒരുങ്ങുന്നതെന്ന് മോഹന്ലാല് വ്യക്തമാക്കി.
ഐ.പി.എല് മാതൃകയില് മലയാളി താരങ്ങള് ഉള്പ്പെട്ട ആറ് ടീമുകള് അണിനിരക്കുന്ന ട്വന്റി20 ക്രിക്കറ്റ് ലീഗിന്റെ ആദ്യ സീസണ് സെപ്റ്റംബര് രണ്ടുമുതല് 19 വരെ തിരുവനന്തപുരം കാര്യവട്ടം സ്പോര്ട്സ് ഹബ് സ്റ്റേഡിയത്തിലാണ് സംഘടിപ്പിക്കു ന്നത്. 60 ലക്ഷം രൂപയാണ് ലീഗിലെ ആകെ സമ്മാനത്തുക. പകലും രാത്രിയുമായി രണ്ട് മത്സരങ്ങളാണ് ദിവസവും ഉണ്ടാകുക. ലീഗിന്റെ ഇടവേളയില് മലയാളി വനിത ക്രിക്കറ്റ് താരങ്ങള് അണിനിരക്കുന്ന പ്രദര്ശന മത്സരവും സംഘടിപ്പിക്കും.
ടീം ഫ്രാഞ്ചൈസികളുടെ ഉടമസ്ഥാവകാശം സ്വന്തമാക്കുന്നതിനുള്ള താല്പര്യപത്രം സമര്പ്പിക്കാനുള്ള അ വസരം ജൂലൈ 15 വരെയാണെന്ന് കെ.സി.എല് ചെയര്മാന് നാസിര് മച്ചാന് അറിയിച്ചു. കേരള ക്രിക്കറ്റ് ലീഗിനൊപ്പം അംബസഡറായി മോഹന്ലാല് അണിചേരുന്നത് അഭിമാനകരവും ഏറെ പ്രതീക്ഷ നല്കു ന്നതുമാണെന്ന് കെ.സി.എ പ്രസിഡന്റ് ജയേഷ് ജോര്ജും സെക്രട്ടറി വിനോദ് എസ്. കുമാറും പറഞ്ഞു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
