ദില്ലി: ദൈവനാമത്തില് സത്യപ്രതിജ്ഞ ചെയ്ത് പ്രധാനമന്ത്രിയായി നരേന്ദ്രമോദി അധികാരമേറ്റു. രാഷ്ട്രപതി ദ്രൗപദി മുര്മു സത്യവാചകങ്ങള് ചൊല്ലിക്കൊടുത്തു. തുടര്ച്ചയായി മൂന്നാം തവണയാണ് നരേന്ദ്ര മോദി പ്രധാനമന്ത്രിയായി സത്യപ്രതിജ്ഞ ചെയ്യുന്നത്. 72 മന്ത്രിമാരാണ് മോദിയ്ക്കൊപ്പം സത്യപ്രതിജ്ഞ ചെയ്യുന്നത്. രാഷ്ട്രപതി ഭവനില് 7.15നാണ് നരേന്ദ്രമോദി സത്യപ്രതിജ്ഞ ചെയ്തത്.
രാഷ്ട്രപതി ഭവനില് നടന്ന സത്യപ്രതിജ്ഞാ ചടങ്ങില് 8000ല് അധികം പേരാണ് പങ്കെടുത്തത്. വിവിധ രാജ്യങ്ങളില് നിന്നെത്തിയ ഭരണാധികാരികള്ക്കും മറ്റ് അതിഥികള്ക്കും സിനിമാ താരങ്ങള്ക്കും ഒപ്പം പുതിയ പാര്ലമെന്റ് മന്ദിരത്തിന്റെ നിര്മാണ പ്രവര്ത്തനത്തില് പങ്കാളികളായ 250 പേര്ക്കും സത്യപ്രതിജ്ഞാ ചടങ്ങിലേക്ക് ക്ഷണമുണ്ടായിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
