HIGHLIGHTS : ദില്ലി: സ്വാതന്ത്ര്യ ദിനാഘോഷത്തിന്റെ ഭാഗമായി ഡല്‍ഹി മെട്രോയില്‍ ഇന്ന് സൗജന്യ യാത്ര. രാവിലെ ആറ് മണി മുതല്‍ ഉച്ചക്ക് 12 മണി വരെയാണ് സൗജന്യയാത്ര അനുവ...
ദില്ലി: സ്വാതന്ത്ര്യ ദിനാഘോഷത്തിന്റെ ഭാഗമായി ഡല്‍ഹി മെട്രോയില്‍ ഇന്ന് സൗജന്യ യാത്ര. രാവിലെ ആറ് മണി മുതല്‍ ഉച്ചക്ക് 12 മണി വരെയാണ് സൗജന്യയാത്ര അനുവദിച്ചത്. സ്വാതന്ത്ര്യ ദിനാഘോഷത്തില്‍ പങ്കെടുക്കാനായി ചെങ്കോട്ടയിലേക്ക് ആളുകള്‍ക്ക് എത്തിച്ചേരാനായാണ് ഇന്ന് ഇളവ് അനുവദിച്ചത്.
സാധാരണ രാവിലെ 6 മണിമുതലാണ് മെട്രോ സര്‍വ്വീസ് നടത്താറ്. എന്നാല്‍ ഇന്ന് രാവിലെ 4.30 മുതല്‍ മെട്രോ സര്‍വ്വീസ് ആരംഭിച്ചു. എയര്‍പോര്‍ട്ട് ലൈന്‍ ഒഴികെയുള്ള എല്ലാ മെട്രോ സ്റ്റേഷനുകളില്‍ നിന്നും കാശ്മീര്‍ ഗെയ്റ്റ്, ചാന്ദിനി ചൗക് സ്റ്റേഷനുകളിലേക്കുള്ള സൗജന്യ യാത്രാ കൂപ്പണ്‍ ലഭിക്കും.
ഇതിന് പുറമെ സ്വാതന്ത്ര്യ ദിനാഘോഷത്തിന്റെ ഭാഗമായി പലതരത്തിലുള്ള മല്‍സരങ്ങളും മെട്രോ റെയില്‍ കോര്‍പ്പറേഷന്‍ ഒരുക്കിയിട്ടുണ്ട്.
