HIGHLIGHTS : Messi's assist, Molina's finish; Argentina in the semis
ദോഹ: ഖത്തര് ലോകകപ്പില് അര്ജന്റീന സെമിയില്. രണ്ടാം ക്വാര്ട്ടറില് നെതര്ലന്ഡ്സിനെ പെനാല്റ്റി ഷൂട്ടൗട്ടില് 4-3ന് തോല്പിച്ചാണ് സെമിയിലേക്ക് മെസിപ്പടയുടെ പടയോട്ടം. രണ്ട് തകര്പ്പന് സേവുകളുമായി അര്ജന്റീന ഗോളി എമി മാര്ട്ടിനസ് ഷൂട്ടൗട്ടിലെ ഹീറോയായി. 120 മിനുറ്റുകളിലും ഇരു ടീമും രണ്ട് വീതം ഗോളടിച്ച് സമനില പാലിച്ചതോടെയാണ് മത്സരം ഷൂട്ടൗട്ടിലേക്ക് നീങ്ങിയത്. അതിന് മുമ്പ് ഒരു ഗോളും അസിസ്റ്റുമായി മെസി അര്ജന്റീനക്കായും ഇരട്ട ഗോളുമായി വൗട്ട് നെതര്ലന്ഡ്സിനായും തിളങ്ങി.
ഇരു ടീമുകളും ശക്തമായ ഇലവനുകളുമായി കളത്തിലെത്തിയപ്പോള് ആദ്യ മിനുറ്റുകളില് നെതര്ലന്ഡ്സ് ടീം ആക്രമണത്തില് മുന്നിട്ടുനിന്നു. ഡീപേയും ഗാപ്കോയും അടങ്ങുന്ന നെതര്ലന്ഡ്സ് മുന്നിര ഇടയ്ക്കിടയ്ക്ക് അര്ജന്റീനന് ഗോള് മുഖത്തേക്ക് പാഞ്ഞെത്തിക്കൊണ്ടിരുന്നു. പക്ഷേ ആദ്യ 45 മിനുറ്റുകളില് ഒരു ഷോട്ട് പോലും ടാര്ഗറ്റിലേക്ക് പായിക്കാന് ഡച്ച് താരങ്ങള്ക്കായില്ല.
എന്നാല് ആദ്യപകുതി സമനിലയിലേക്ക് എന്ന് കരുതിയിരിക്കേയാണ് 35-ാം മിനുറ്റില് നെതര്ലന്ഡ്സ് പ്രതിരോധത്തെ മറികടന്ന് മെസി മറിച്ചു നല്കിയ പന്തില് മൊളീന ഫിനിഷ് ചെയ്തത്. അര്ജന്റീനക്കായി മൊളീനയുടെ ആദ്യ ഗോളാണിത്. ഇതോടെ അര്ജന്റീന 1-0ന് മുന്നിലെത്തി.
72-ാം മിനുറ്റില് അക്യൂനയെ ബോക്സില് വീഴ്ത്തിയതിന് ലഭിച്ച പെനാല്റ്റി അനായാസം മെസി വലയിലെത്തിച്ചു. 83-ാം മിനുറ്റില് നെതര്ലന്ഡ്സിന്റെ ആദ്യ മറുപടിയെത്തി. വൗട്ട് വേഹോര്സ്ടായിരുന്നു സ്കോറര്. 90 മിനുറ്റുകളിലും 10 മിനുറ്റ് ഇഞ്ചുറിസമയത്തും 1-2ന് പിന്നിലായിരുന്ന നെതര്ലന്ഡ്സ് രണ്ട് മിനുറ്റിനുള്ളില് സമനില ഗോള് കണ്ടെത്തി. ഇഞ്ചുറിടൈമിന്റെ അവസാന സെക്കന്ഡില് തന്ത്രപരമായി ഫ്രീകിക്കിലൂടെ വലകുലുക്കി നെതര്ലന്ഡ്സ് സമനില പിടിക്കുകയായിരുന്നു.
ഇതോടെ തുടര്ച്ചയായ രണ്ടാം ക്വാര്ട്ടര് മത്സരവും എക്സ്ട്രാ ടൈമിലേക്ക് നീണ്ടു. ഇരു ടീമുകള്ക്കും അവസരങ്ങള് മുതലാക്കാനായില്ല. അങ്ങനെ മത്സരം പെനാല്റ്റി ഷൂട്ടൗട്ടിലേക്ക് നീണ്ടു.
പെനാല്റ്റി ഷൂട്ടൗട്ടില് അര്ജന്റീനക്കായി മെസിയുടെ മറുപടി വലയിലെത്തി. അര്ജന്റീനക്കായി പരേഡെസ് ലക്ഷ്യം കണ്ടു. പിന്നാലെ മൂന്നാം കിക്ക് ഇരു ടീമുകളും വലയിലെത്തിച്ചു. ഡച്ചിനായി കോപ്മെനാഷും അര്ജന്റീനക്കായി മൊണ്ടൈലുമാണ് കിക്കെടുത്തത്. വൗട്ടിന്റെ നാലാം കിക്ക് ഗോളായപ്പോള് എന്സോയുടെ കിക്ക് പാഴായി. ഡി ജോങിന്റെ അഞ്ചാം കിക്ക് നെതര്ലന്ഡ്സ് വലയിലെത്തിച്ചപ്പോള് ലൗട്ടാരോയുടെ അവസാന ഷോട്ട് വല കുലുക്കിയതോടെ അര്ജന്റീന 4-3ന് വിജയം സ്വന്തമാക്കി.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു