മീഡിയവണിന്റെ സംപ്രേഷണം കേന്ദ്ര വാര്ത്താ വിതരണ മന്ത്രാലയം വീണ്ടും തടഞ്ഞു. സുരക്ഷാ കാരണങ്ങള് ഉന്നയിച്ചാണ് കേന്ദ്രം ചാനലിന്റെ സംപ്രേക്ഷണം തടഞ്ഞതെന്ന് മീഡിയ വണ് എഡിറ്റര് ഇന് ചീഫ് പ്രമോദ് രാമന് ഔദ്യോഗിക പേജിലൂടെ അറിയിച്ചു. ഉത്തരവിനെതിര മീഡിയ വണ് നിയമനടപടികള് ആരംഭിച്ചിട്ടുണ്ടെന്നും പ്രമോദ് രാമന് വിശദീകരിച്ചു.
നേരത്തെയും മീഡിയ വണ്ണിന് സംപ്രേക്ഷണത്തിന് വിലക്ക് ഉണ്ടായിട്ടുണ്ട്. 2020 മാര്ച്ച് 6 നാണ് മിനിസ്ട്രി ഓഫ് ഇന്ഫര്മേഷന് ആന്റ് ബ്രോഡ്കാസ്റ്റിംഗ് വിലക്ക് ഏർപ്പെടുത്തിക്കൊണ്ടുള്ള ഉത്തരവിറക്കിയത്. ഏഷ്യാനെറ്റ് ന്യൂസിനും മീഡിയ വണ്ണിനും 48 മണിക്കൂര് നേരത്തേക്കായിരുന്നു സംപ്രേക്ഷണത്തിന് വിലക്ക് ഏര്പ്പെടുത്തിയിരുന്നത്.
ദില്ലി കലാപവുമായി ബന്ധപ്പെട്ട വാര്ത്തകള് നല്കിയതിനെ തുടര്ന്നാണ് ചാനലുകളെ 48 മണിക്കൂര് വിലക്കിയതെന്നാണ് മിനിസ്ട്രി ഓഫ് ഇന്ഫര്മേഷന് ആന്റ് ബ്രോഡ്കാസ്റ്റിംഗ് അന്ന് നല്കിയ നോട്ടീസില് ചൂണ്ടിക്കാട്ടിയിരുന്നത്.
