കണ്ണൂര്: സിപിഐഎം എംസി ജോസഫൈന്(74) അന്തരിച്ചു. ഹൃദയാഘാതത്തെ തുടര്ന്നാണ് മരണം. മുന്കേന്ദ്രകമ്മറ്റി അംഗമായിരുന്നു.
പാര്ട്ടി കോണ്ഗ്രസ് വേദിയില് ഇന്നലെ വൈകീട്ട് തളര്ച്ച അനുഭവപ്പെട്ടതിനെ തുടര്ന്ന് എകെജി ആശുപത്രിയില് പ്രവേശിപ്പിക്കുകയായിരുന്നു.
ജനാധിപത്യ മഹിളാ അസോസിയേഷന് അഖിലേന്ത്യാ വൈസ് പ്രസിഡന്റ്, സംസ്ഥാന പ്രസിഡന്റ്, വനിതാ വികസന കോര്പറേഷന് ചെയര്പേഴ്സണ്, വിശാലകൊച്ചി വികസന അതോറിറ്റി ചെയര്പേഴ്സണ് എന്നീ സ്ഥാനങ്ങള് വഹിച്ചിരുന്നു.
1948 ആഗസ്ത് മൂന്നിന് മുരിക്കുംപാടം മാപ്പിളശേരി ചവര – മഗ്ദലേന ദമ്പതികളുടെ മകളായാണ് ജനനം. സിഐടിയു അങ്കമാലി ഏരിയ സെക്രട്ടറിയായിരുന്ന പരേതനായ പള്ളിപ്പാട്ട് പി എ മത്തായിയാണ് ഭര്ത്താവ്. മകന്: മനു പി മത്തായി. മരുമകള്: ജ്യോത്സന.
.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
