HIGHLIGHTS : Mbappe with a double goal; France defeated Poland in the quarter
ദോഹ: കിലിയന് എംബാപ്പെയുടെ ഇരട്ട ഗോളുകളിലൂടെ പോളണ്ടിനെ ഒന്നിനെതിരെ മൂന്ന് ഗോളുകള്ക്ക് തകര്ത്ത് ഫ്രാന്സ്, ഖത്തര് ലോകകപ്പിന്റെ ക്വാര്ട്ടറില് കടന്നു. ഒലിവര് ജിറൂദിന്റെ വകയായിരുന്നു മറ്റൊരു ഗോള്. പെനാല്റ്റിയിലൂടെ റോബര്ട്ട് ലെവന്ഡോസ്കി പോളണ്ടിന്റെ ആശ്വാസ ഗോള് നേടി. സെനഗല്- ഇംഗ്ലണ്ട് മത്സരത്തിലെ വിജയി ഇംഗ്ലണ്ടിെനയാണ് ഫ്രാന്സ് ക്വാര്ട്ടറില് നേരിടുക.
നാലാം മിനിറ്റില് ഫ്രാന്സിന്റെ ആക്രമണത്തോടെയാണ് മത്സരത്തിന് ചൂടുപിടിച്ചത്. 21-ാം മിനിറ്റിലാണ് പോളണ്ടിന് ആദ്യ അവസരം ലഭിക്കുന്നത്.
ആദ്യപകുതി തീരാന് ഒരു മിനിറ്റി മുമ്പ് ഫ്രാന്സ് ആദ്യ ഗോള് നേടി. ഇതോടെ ഫ്രാന്സിന്റെ ഏറ്റവും കൂടുതല് ഗോള് നേടിയ താരമാവാനും ജിറൂദിന് സാധിച്ചു.
രണ്ടാം പാതിയിലും ഫ്രഞ്ച് പട ആധിപത്യം തുടര്ന്നു. 74-ാം മിനിറ്റില് രണ്ടാം ഗോളുമെത്തി. ഡെംബേലയുടെ പാസ് സ്വീകരിച്ച്, സമയമെടുത്ത് എംബാപ്പെ തൊടുത്ത ഷോട്ട് വലയില് തുളച്ചുകയറി. ഇഞ്ചുറി സമയത്ത് എംബാപ്പെ വിജയമുറപ്പിച്ച ഗോളും നേടി.