തൃശ്ശൂര്: വിയ്യൂര് ജയിലില് ഗുണ്ടാനേതാവും കാപ്പ പ്രതിയുമായ മരട് അനീഷിന് നേരെ ആക്രമണം. സഹതടവുകാരനായ അഷറഫ് ഹുസൈന് ആണ് ആക്രമണം നടത്തിയത്. ബ്ലേഡ് കൊണ്ട് തലയിലും ദേഹത്തും മുറിവേല്പിച്ചു. തടയാന് ശ്രമിച്ച ജയില് ഉദ്യോഗസ്ഥന് ബിനോയിക്കും പരിക്കേറ്റു.
കൊച്ചിയിലെ കുപ്രസിദ്ധ ഗുണ്ട മരട് അനീഷിനെ കോടതി ഉത്തരവ് പ്രകാരം ജയിലിലെ ആശുപത്രി ബ്ലോക്കിലാണ് പ്രവേശിപ്പിച്ചിരുന്നത്. ജയില് ജീവനക്കാരന് ബിനോയ് ഉച്ചയ്ക്ക് ഭക്ഷണം നല്കാനായി അനീഷിനെ പുറത്തിറക്കുന്നതിനിടെയാണ് ആക്രമണമുണ്ടായത്. ഡോക്ടറെ കാണണമെന്ന് പറഞ്ഞ് ആശുപത്രി ബ്ലോക്കിലെത്തിയ അമ്പായത്തോട് അഷ്റഫും ഹുസൈനുമാണ് ആക്രമണം നടത്തിയത്. കൈയ്യില് കരുതിയിരുന്ന ബ്ലേഡും ഇരുമ്പ് സ്കെയിലിന്റെ കഷണവും കൊണ്ടാണ് അനീഷിനെ ആക്രമിച്ചത്. തലയിലും ശരീരത്തും പരിക്കേറ്റ അനീഷിനെ ഉടന് തന്നെ തൃശ്ശൂര് മെഡിക്കല് കോളേജിലേക്ക് മാറ്റി. അപകടനില തരണം ചെയ്തിട്ടുണ്ടെന്ന് ആശുപത്രി വൃത്തങ്ങള് അറിയിച്ചു.അനീഷിനെ ആക്രമിക്കുന്നത് കണ്ട് തടയാന് ചെന്ന ജയില് ജീവനക്കാരന് ബിനോയിക്കും പരിക്കേറ്റിട്ടുണ്ട്.
വ്യക്തി വൈരാഗ്യമാണ് ആക്രണത്തിന് കാരണമെന്ന് ജയില് അധികൃതര് അറിയിച്ചു. ജയില് സൂപ്രണ്ടിന്റെ പരാതിയില് കേസെടുക്കുമെന്ന് വിയ്യൂര് പൊലീസും അറിയിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
