HIGHLIGHTS : മലപ്പുറം; ജില്ലയില് ബുധനാഴ്ച 3,268 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. ആര്. രേണുക അറിയിച്ചു. ജില്ലയില് 39.49 ആണ് ...
മലപ്പുറം; ജില്ലയില് ബുധനാഴ്ച 3,268 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. ആര്. രേണുക അറിയിച്ചു. ജില്ലയില് 39.49 ആണ് കോവിഡ് ടെസ്റ്റ് പോസിറ്റിവിറ്റി നിരക്ക് (ടിപിആര്). 3,086 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഉറവിടം അറിയാത്ത 68 കോവിഡ് കേസുകളാണ് റിപ്പോര്ട്ട് ചെയ്തത്. 114 പേര്ക്ക് യാത്രക്കിടയിലാണ് രോഗം സ്ഥിരീകരിച്ചത്. ആകെ 8275 സാമ്പിളുകളാണ് പരിശോധിച്ചത്. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
ജില്ലയില് 61,64,455 ഡോസ് വാക്സിന് നല്കി
മലപ്പുറം ജില്ലയില് ബുധനാഴ്ച വരെ 61,64,455 ഡോസ് കോവിഡ് പ്രതിരോധ വാക്സിന് വിതരണം ചെയ്തതായി ജില്ലാ മെഡിക്കല് ഓഫീസര് ഡോ: ആര്. രേണുക അറിയിച്ചു. ഇതില് 15 വയസിന് മുകളില് പ്രായമുള്ള 33,84,641 പേര്ക്ക് ഒന്നാം ഡോസും 27,47,760 പേര്ക്ക് രണ്ടാം ഡോസും 32,054 പേര്ക്ക് കരുതല് ഡോസ് വാക്സിനുമാണ് നല്കിയത്.