മലയാളി പ്രേക്ഷകരുടെ കാത്തിരിപ്പുകള്ക്ക് അവസാനം കുറിച്ച് നിവിന് പോളി, ആസിഫ് അലി എന്നിവരെ നായകരാക്കി എബ്രിഡ് ഷൈന് ഒരുക്കുന്ന മഹാവീര്യര് ചിത്രത്തിന്റെ ഓണ്ലൈന് ബുക്കിങ്ങ് ഇപ്പോള് ആരംഭിച്ചിരിക്കുകയാണ്. ചിത്രം ഈ 21 ന് വ്യാഴാഴ്ച തീയറ്ററുകളിലേക്ക് എത്തുകയാണ്. തികച്ചും വ്യത്യസ്തമായ രീതിയില് നര്മ്മവും ഫാന്റസിയും ഒത്തുചേര്ന്ന് ഒരുക്കിയിരിക്കുന്ന ചിത്രം പ്രേക്ഷകര്ക്ക് ഒരു പുത്തന് ചലച്ചിത്രാനുഭവം സമ്മാനിക്കുമെന്ന കാര്യത്തില് യാതൊരു സംശയവുമില്ലായെന്ന് ചിത്രത്തിന്റെ ട്രെയ്ലറും മറ്റും ഇതിനകം ഉറപ്പേകിയിട്ടുണ്ട്.
പോളി ജൂനിയര് പിക്ചേഴ്സ്, ഇന്ത്യന് മൂവി മേക്കേഴ്സ് എന്നീ ബാനറുകളില് യുവ താരം നിവിന് പോളി, പി. എസ് ഷംനാസ് എന്നിവര് ചേര്ന്ന് നിര്മ്മിക്കുന്ന എബ്രിഡ് ഷൈന് ചിത്രം ‘മഹാവീര്യര്’ ജൂലൈ 21ന് ലോകമെമ്പാടുമുള്ള തീയറ്ററുകളില് പ്രദര്ശനത്തിന് എത്തും. നിവിന് പോളി, ആസിഫ് അലി, ലാല്, ലാലു അലക്സ്, സിദ്ധിഖ്, ഷാന്വി ശ്രീവാസ്തവ, വിജയ് മേനോന്, മേജര് രവി, മല്ലിക സുകുമാരന്, സുധീര് കരമന, കൃഷ്ണ പ്രസാദ്, പദ്മരാജന് രതീഷ്, സുധീര് പറവൂര്, കലാഭവന് പ്രജോദ്, പ്രമോദ് വെളിയനാട്, ഷൈലജ പി അമ്പു എന്നിവര് മുഖ്യ വേഷങ്ങളിലെത്തുന്ന ഈ ചിത്രത്തില് മറ്റു പ്രമുഖ താരങ്ങളും അണിനിരക്കുന്നു.
പ്രശസത സാഹിത്യകാരന് എം. മുകുന്ദന്റെ കഥയ്ക്ക് തിരക്കഥയൊരുക്കി ചലച്ചിത്ര ഭാഷ്യം നല്കിയിരിക്കുന്നത് എബ്രിഡ് ഷൈനാണ്. ടൈം ട്രാവലും ഫാന്റസിയും കോടതിയും നിയമ വ്യവഹാരങ്ങളും മുഖ്യ പ്രമേയമായിരിക്കുന്ന ഈ ചിത്രം, നര്മ്മ – വൈകാരിക മുഹൂര്ത്തങ്ങള്ക്കും പ്രാധാന്യം നല്കിയിരിക്കുന്നു. സംസ്ഥാന അവാര്ഡ് ജേതാവായ ചന്ദ്രു സെല്വരാജ് ഛായാഗ്രഹണം നിര്വഹിച്ചിരിക്കുന്ന ചിത്രത്തിന് ഇഷാന് ചാബ്ര സംഗീതവും പശ്ചാത്തല സംഗീതവും ഒരുക്കിയിരിക്കുന്നു. ചിത്രസംയോജനം മനോജ്, ശബ്ദ മിശ്രണം വിഷ്ണു ഗോവിന്ദ്, ശ്രീ ശങ്കര്, കലാ സംവിധാനം അനീസ് നാടോടി, വസ്ത്രാലങ്കാരം ചന്ദ്രകാന്ത്, മെല്വി. ജെ, ചമയം ലിബിന് മോഹനന്, മുഖ്യ സഹ സംവിധാനം ബേബി പണിക്കര് തുടങ്ങിയവരാണ് മറ്റ് അണിയറ പ്രവര്ത്തകര്.
