തിരുവനന്തപുരം: ബംഗാള് ഉള്ക്കടലില് വീണ്ടും ന്യൂനമര്ദ്ദ സാധ്യത നിലനില്ക്കുന്ന സാഹചര്യത്തില് കേരളത്തില് ശക്തമായ മഴയ്ക്ക് സാധ്യതയെന്ന് റിപ്പോര്ട്ട്. സംസ്ഥാനത്തെ മൂന്ന് ജില്ലകളില് കനത്ത മഴയുണ്ടായേക്കുമെന്നാണ് റിപ്പോര്ട്ട്. തിരുവനന്തപുരം, കൊല്ലം, ആലപ്പുഴ ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്.
നിലവില് ലക്ഷദ്വീപിന് മുകളിലായാണ് ന്യൂനമര്ദ്ദം സ്ഥിതി ചെയ്യുന്നത്. അടുത്ത 24 മണിക്കൂറിനുള്ളില് ഇത് പടിഞ്ഞാറ് ദിശയിലേക്ക് നീങ്ങി ദുര്ബലമാകുമെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം.
അതേസമയം തെക്കന് തെക്കന് ആന്ഡമാന് കടലിനു മുകളില് ചക്രവാതച്ചുഴി രൂപപ്പെട്ടിട്ടുണ്ട്. നാളെയോടെ ന്യൂനമര്ദ്ദമായി മാറിയേക്കും. 48 മണിക്കൂറില് തമിഴ്നാട് തീരത്തേക്ക് നീങ്ങാനാണ് സാധ്യത. ഇതിന്റെ സ്വാധീനത്തില് കേരളത്തില് അടുത്ത 5 ദിവസം ഒറ്റപ്പെട്ട ഇടിമിന്നലോടു കൂടിയ നേരിയ / ഇടത്തരം മഴയ്ക്ക് സാധ്യതയുണ്ടെന്നും മുന്നറിയിപ്പുണ്ട്. ഒറ്റപ്പെട്ട സ്ഥലങ്ങളില് ഡിസംബര് 14 മുതല് 18 വരെയുള്ള തീയതികളില് ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
