ഡിവൈഎഫ്ഐ കണ്ണോത്ത് മേഖലാ സെക്രട്ടറി സഖാവ് ഷെജിന് എം.എസിന്റെയും ജ്യോത്സ്നയുടെയും വിവാഹത്തെ തുടര്ന്നുണ്ടായ വിവാദങ്ങളില് വിശദീകരണവുമായി ഡിവൈഎഫ്ഐ. ജാതി-മത-സാമ്പത്തിക-ലിംഗ ഭേദമില്ലാതെ പരസ്പരം പ്രണയിക്കുകയും ഒന്നിച്ചു ജീവിക്കാന് ആഗ്രഹിക്കുകയും ചെയ്യുന്നവര്ക്ക് പിന്തുണ നല്കുക എന്നതാണ് ഡിവൈഎഫ്ഐയുടെ പ്രഖ്യാപിത നിലപാട് എന്ന് ഡിവൈഎഫ്ഐ ഫേസ്ബുക്ക് പോസ്റ്റില് പറയുന്നു.
സെക്കുലര് വിവാഹങ്ങളെ പ്രോത്സാഹിപ്പിക്കും. സമസ്ത മേഖലയിലും തീവ്രവാദം പിടിമുറുക്കുന്ന കാലത്തു ഷെജിനും ജോയ്സ്ന മേരി ജോസഫും പുതുതലമുറയ്ക്കു മാതൃകയാണെന്നും ഫെയ്സ്ബുക് പോസ്റ്റില് ഡിവൈഎഫ്ഐ വ്യക്തമാക്കി.
മതേതര വിവാഹ ജീവിതത്തിന്റെ വലിയ മാതൃകകള് കാട്ടി തന്ന അനേകം നേതാക്കള് ഡിവൈഎഫ്ഐക്ക് കേരളത്തില് തന്നെയുണ്ട്. കേരളത്തിന്റെ മത നിരപേക്ഷ സാംസ്കാരിക പൈതൃകത്തില് വിള്ളല് വീഴ്ത്താന് സ്ഥാപിത ശക്തികള് മനഃപൂര്വം കെട്ടി ചമച്ച അജണ്ടയാണ് ലൗ ജിഹാദ് എന്ന പ്രയോഗം. ബഹുമാനപ്പെട്ട മുഖ്യമന്ത്രി പിണറായി വിജയന് തന്നെ കണക്കുകള് നിരത്തി നിയമ സഭയിലും പൊതുമധ്യത്തിലും ആവര്ത്തിച്ചു വ്യക്തമാക്കിയ കാര്യമാണ് ലവ് ജിഹാദ് എന്നൊന്ന് കേരളത്തിലില്ലെന്ന കാര്യം.
സ്ഥാപിത വര്ഗ്ഗീയ താത്പര്യക്കാര് പൊതു ബോധമായി ഇത്തരം വിഷയങ്ങള് നിര്മ്മിച്ചെടുക്കാന് ശ്രമിക്കുന്നത് ഗൗരവപൂര്വ്വം കാണണമെന്ന് ഡിവൈഎഫ്ഐ പറയുന്നു. ഇരുവര്ക്കും ഡി.വൈ.എഫ്.ഐ എല്ലാവിധ പിന്തുണയും നല്കുമെന്ന് ഡിവൈഎഫ്ഐ ചൂണ്ടിക്കാട്ടി.
