HIGHLIGHTS : 'Let's create a new revolution of justice and self-respect'; WCC reacts to collective resignation in 'Amma'
കൊച്ചി: താര സംഘടനായ ‘അമ്മ’യുടെ അധ്യക്ഷ സ്ഥാനത്ത് നിന്ന് മോഹന്ലാലും ഒപ്പം എക്സിക്യൂട്ടിവ് കമ്മിറ്റിയും ഒന്നടങ്കം രാജിവച്ചതില് പ്രതികരിച്ച് ഫേസ്ബുക്ക് പോസ്റ്റുമായി വുമണ് ഇന് സിനിമ കളക്ടീവ് (ഡബ്ല്യു സി സി) . ‘പുനരാലോചിക്കാം, പുനര്നിര്മ്മിക്കാം, മാറ്റങ്ങള്ക്കായി ഒന്നിച്ചു നില്ക്കാം. നീതിയുടെയും ആത്മാഭിമാനത്തിന്റെയും ഭാവി രൂപപ്പെടുത്തുക നമ്മുടെ കടമയാണ്. നമുക്കൊരു പുതുവിപ്ലവം സൃഷ്ടിക്കാം’ – എന്നായിരുന്നു ഡബ്ല്യു സി സി ഫേസ്ബുക്കില് കുറിച്ചത്.
ഇന്ന് ഉച്ചയോടെയാണ് അമ്മയുടെ ഭരണസമിതി പിരിച്ചുവിട്ടുകൊണ്ട് അധ്യക്ഷന് മോഹന്ലാല് ഉള്പ്പെടെ എല്ലാവരും രാജിവെച്ചത്. ഹേമ കമ്മിറ്റി റിപ്പോര്ട്ടിന് പിന്നാലെ പ്രമുഖ താരങ്ങള്ക്കെതിരെയടക്കം ഉണ്ടായ വെളിപ്പെടുത്തലുകളുടെ കൂടി പശ്ചാത്തലത്തിലായിരുന്നു കൂട്ടരാജി.
ഹേമ കമ്മിറ്റി റിപ്പോര്ട്ടറിനെ തുടര്ന്ന് സിനിമ രംഗത്തെ അതിക്രമങ്ങളില് പരാതിയുമായി കൂടുതല്പ്പേര് രംഗത്ത് എത്തിയതിന് പിന്നാലെ അമ്മയില്
കൂട്ടരാജി. ലൈംഗിക ആരോപണത്തില് ഉള്പ്പെട്ട അമ്മയിലെ അംഗങ്ങളായ താരങ്ങളോട് വിശദീകരണം ചോദിക്കണമെന്ന ആവശ്യവും വനിതാ അംഗങ്ങള് ഉന്നയിച്ചതോടെ കൂട്ട രാജിയിലേക്ക് കാര്യങ്ങള് നീങ്ങുകയായിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
