HIGHLIGHTS : Learn how to cultivate paval/bitter gourd in a healthy way.
കേരളത്തില കൃഷി ചെയ്യുന്ന ഏറ്റവും ആദായകരമായ വിളകളില്‍ ഒന്നാണ് പാവല്‍ അഥവ കയ്പ . പോഷക സമൃദ്ധമായതും ഔഷധഗുണമുള്ളതുമായ പാവല്‍ കൃഷിചെയ്യുമ്പോള്‍ ചില കാര്യങ്ങള്‍ ശ്രദ്ധിച്ചിരിക്കേണ്ടത് അത്യാവശ്യമാണ്.
പ്രധാനമായും ശ്രദ്ധിക്കേണ്ട കാര്യങ്ങള്‍ ഇവയാണ്
നടീല്‍ സമയം :
മെയ് -ആഗസ്റ്റ് സെപ്റ്റംബര്‍ -ഡിസംബര്‍ ജനുവരി -മാര്‍ച്ച്
ഇനങ്ങള്‍ :
പ്രിയ -നീണ്ട പച്ചനിറത്തിലുള്ള കായ്കള്‍. കായുടെ അഗ്രഭാഗത്തിന് വെള്ളനിറമാണ്.
പ്രിയങ്ക – വെളുത്ത വലിപ്പമുള്ളതും പരന്ന മുള്ള്കളുള്ള തുമായ കായ്കള്‍ .
പ്രീതി – ഇടത്തരം നീളമുള്ളതും മുള്ളുകള്‍ ഉള്ളതുമായ ഇവയുടെ നിറം വെള്ളയാണ് .
വിത്തും നടീല്‍ രീതി
പാവലിന് ഒരു സെന്റിന് 20-25 വിത്ത് മതിയാകും.ചാക്കിലാണ് നടുന്നതെങ്കില്‍ ഒരു ചാക്കില്‍ 2-3 വിത്തുകള്‍ നടാം .നടുന്നതിന് തലേ ദിവസം നനഞ്ഞ കോട്ടന്‍ തുണിയില്‍ പൊതിഞ്ഞു വച്ചിരുന്നാല്‍ പെട്ടന്ന് മുള പൊട്ടും.കോഴികളുടെ ശല്യമുള്ള സ്ഥലങ്ങളില്‍ തേക്കിലയിലോ വട്ടയിലയിലോ കുംബിള്‍ കുത്തി മണ്ണ് നിറച്ചു നട്ടുമുളപ്പിച്ചതിന് ശേഷം ഇലയോടുകൂടി നടാനുദ്ദേശിക്കുന്ന സ്ഥലത്ത് നടാം.ഇങ്ങനെ ചെയ്താല്‍ സാധാരണ പ്ലാസ്റ്റിക് കവറുകളില്‍ മുളപ്പിച്ചു മാറ്റി നടുമ്പോള്‍ വേരുകള്‍ക്ക് സംഭവിക്കുന്ന ക്ഷതം കുറവായിരിക്കും.നടുന്നതിന് മുന്‍പ് തടത്തില്‍ ഓരോ പിടി എല്ലുപൊടിയും ചാണകപ്പൊടിയും ഇട്ടു മണ്ണ് നല്ലതുപോലെ ഇളക്കണം .
വള്ളി വീശി തുടങ്ങുമ്പോള്‍ മുതല്‍ ആഴ്ചയില്‍ ഒരിക്കല്‍ വേപ്പെണ്ണ ആവണക്കെണ്ണ വെളുത്തുള്ളി മിശ്രിതം സ്‌പ്രേ ചെയ്തു കൊടുക്കുന്നത് നീരൂറ്റി കുടിക്കുന്ന പ്രധാനപെട്ട കീടങ്ങളായ പച്ചത്തുള്ളന്‍ മൊസൈക് രോഗം പരത്തുന്ന വെള്ളീച്ചകള്‍ എന്നിവയില്‍ നിന്നും ചെടികളെ സംരക്ഷിക്കാം .
വേപ്പെണ്ണ വെളുത്തുള്ളി മിശ്രിതം തയാറാക്കുന്ന വിധം.
80 മില്ലി വേപ്പെണ്ണയും 20 മില്ലി ആവണക്കെണ്ണയും നല്ലത് പോലെ മിക്‌സ് ചെയ്യുക .ഇതിലേക്ക് 6ഗ്രാം ബാര്‍സോപ്പ് കുറച്ചു ചെറിയ ചൂടുവെള്ളത്തില്‍ നന്നായി അലിയിച്ചതിനു ശേഷം ഒഴിച്ച് നന്നായി ഇളക്കുക. ശ്രദ്ധിക്കുക എണ്ണയിലോട്ട് വേണം സോപ്പ് ലായനി ഒഴിക്കാന്‍ തിരിച്ചാവരുത് .തിരിച്ചായാല്‍ എണ്ണ മുകളില്‍ പാടപോലെ കിടക്കുകയെ ഉള്ളു.ഇങ്ങനെ തയ്യാറാക്കിയ ലായനിയില്‍ ആറിരട്ടി വെള്ളം ചേര്‍ത്ത് നേര്‍പ്പിക്കുക .ഒരു 100 ഗ്രാം വെളുത്തുള്ളി നല്ലതുപോലെ അരച്ച് അരിച്ചു തയാറാക്കിയ ലായനിയില്‍ ചേര്‍ത്ത് സ്പ്രി ചെയ്യാന്‍ ഉപയോഗിക്കാം .കഴിയുന്നതും രാവിലെയോ വൈകുന്നെരങ്ങളിലോ വേണം സ്‌പ്രേ ചെയ്യണ്ടത്.
പൂ പിടിക്കാന്‍ തുടങ്ങുമ്പോള്‍ തന്നെ പേപ്പര്‍ കൊണ്ട് കവര്‍ ചെയ്യുനതു കയ്കളെ ആക്രമിക്കുന്ന കായീച്ചകളില്‍ നിന്ന് കായ്കളെ സംരക്ഷിക്കാന്‍ സഹായിക്കും.ആഴ്ചയിലൊരിക്കല്‍ ജൈവ സ്ലറി ഒഴിച്ചുകൊടുക്കുനത് ധാരാളം കായ്കലുണ്ടാവാന്‍ സഹായിക്കും.
ജൈവ സ്ലറി തയ്യാറാക്കുന്ന വിധം.
100 ഗ്രാം വീതം കപ്പലണ്ടി പിണ്ണാക്ക് ,വേപ്പിന്‍ പിണ്ണാക്ക് ,പച്ചചാണകം 200 എല്ലുപൊടി ഒരുപിടി ചാരം എന്നിവ ഒരു ബക്കറ്റില്‍ 10 ലിറ്റര്‍ വെള്ളമൊഴിച്ച് 4-5 ദിവസം വരെ പുളിക്കുവാന്‍ അനുവദിക്കുക .ദിവസവും ഇളക്കണം .ഇതിന്റെ തെളിവെള്ളം നാലിരട്ടി വെള്ളവും ചേര്‍ത്ത് ഒരു തടത്തില്‍ ഒരു ലിറ്റര്‍ എന്നാ തോതില്‍ ആഴ്ച്ചയി്ല്‍ ഒരു പ്രാവശ്യം ഒഴിച്ച് കൊടുക്കണം.
മലബാറി ന്യൂസ് വാട്‌സ്ആപ്പ് ഗ്രൂപ്പില്‍ അംഗമാവാന്‍ ഈ
ലിങ്കില്‍ ക്ലിക്ക് ചെയ്യു
