HIGHLIGHTS : Yellow alert in 8 districts in the state today
തിരുവനന്തപുരം: സംസ്ഥാനത്ത് ചൊവ്വവരെ മഴ ശക്തമാകും. ഞായര് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, പാലക്കാട് ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലര്ട്ട് (ശക്തമായ മഴ) പ്രഖ്യാപിച്ചു. തിങ്കള് ഈ ജില്ലകളിലും തൃശൂരും യെല്ലോ അലര്ട്ടുണ്ട്.
ചൊവ്വ പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് ജില്ലകളില് യെല്ലോ അലര്ട്ടാണ്.
തിങ്കള്വരെ കേരള,- ലക്ഷദ്വീപ് തീരങ്ങളില് മീന്പിടിക്കാന് പോകരുത്. ഗുലാബ് ചുഴലിക്കാറ്റിന്റെ സഞ്ചാരപഥത്തില് കേരളം ഇല്ലെങ്കിലും കേരള തീരത്തും കാറ്റ് ശക്തിപ്പെടാനും കാലവര്ഷം സജീവമാകാനും സാധ്യതയുള്ളതിനാല് ജാഗ്രത പാലിക്കണമെന്ന് മുഖ്യമന്ത്രി പിണറായി വിജയന് വാര്ത്താസമ്മേളനത്തില് പറഞ്ഞു.