അബ്കാരി തൊഴിലാളി ക്ഷേമനിധി ബോര്ഡ് അംഗങ്ങളായ വിദേശമദ്യ, ബാര് സ്ഥാപനങ്ങളിലെ തൊഴിലാളികളുടെ മക്കള്ക്ക് 2023-24, 2024-25 (നിലവില് തുടര് വിദ്യാഭ്യാസ കോഴ്സുകളില് പഠിക്കുന്നവര്ക്ക്) അധ്യയന വര്ഷത്തേക്ക് സ്കോളര്ഷിപ്പ്, പ്രൊഫഷണല് കോഴ്സുകളില് പഠിക്കുന്ന വിദ്യാര്ഥികള്ക്കുള്ള ലാപ്ടോപ് എന്നിവ വിതരണം ചെയ്യുന്നതിന് അപേക്ഷ ക്ഷണിച്ചു. അംഗീകൃത വിദ്യാഭ്യാസ സ്ഥാപനങ്ങളില് ടി.ടി.സി, ഐ.ടി.ഐ/ഐ.ടി.സി, പ്ലസ്ടു, ഡിഗ്രി, പി.ജി, പ്രൊഫഷണല്, ഡിപ്ലോമ കോഴ്സുകള് എന്നിവ പഠിക്കുന്നതും യോഗ്യതാ പരീക്ഷയില് 50 ശതമാനം മാര്ക്ക് വാങ്ങിയിട്ടുളളതുമായ വിദ്യാര്ഥികള്ക്ക് അപേക്ഷിക്കാം.
വിദ്യാര്ഥികള് കേരള അബ്കാരി തൊഴിലാളി ക്ഷേമനിധി ബോര്ഡിന്റെ മേഖലാ ഓഫീസുകളില് നിന്നും അപേക്ഷാ ഫോം വാങ്ങി പൂരിപ്പിച്ച് അപേക്ഷയുടെ രണ്ട് പകര്പ്പുകള്, വിദ്യാര്ഥിയുടെ ബാങ്ക് അക്കൗണ്ട് വിവരങ്ങള്, യോഗ്യതാ പരീക്ഷയുടെ മാര്ക്ക് ലിസ്റ്റിന്റെ സ്വയം സാക്ഷ്യപ്പെടുത്തിയ പകര്പ്പുകള്, നിലവില് പഠിച്ചുകൊണ്ടിരിക്കുന്ന വിദ്യാഭ്യാസ സ്ഥാപന മേലധികാരിയുടെ സാക്ഷ്യപ്പെടുത്തലോടെ ഫെബ്രുവരി മൂന്നിന് വൈകീട്ട് അഞ്ചിനകം കോഴിക്കോട് മേഖലാ വെല്ഫെയര് ഫണ്ട് ഇന്സ്പെക്ടര്ക്ക് അപേക്ഷ ലഭ്യമാക്കണം.
പ്രൊഫഷണല് കോഴ്സുകളില് പഠിക്കുന്ന വിദ്യാര്ഥികള് എന്ട്രന്സ് കമ്മിഷണറുടെ അലോട്ട്മെന്റിന്റെ പകര്പ്പ് ഹാജരാക്കിയാല് മാത്രമേ ലാപ്ടോപ് വിതരണത്തിന് പരിഗണിക്കുകയുള്ളൂ. മറ്റ് സംസ്ഥാനങ്ങളില് കോഴ്സുകളില് പഠിക്കുന്ന വിദ്യാര്ഥികള് കോഴ്സുകള് കേരള ഗവ. അംഗീകൃതമാണെന്ന് സ്ഥാപന മേധാവി രേഖപ്പെടുത്തണം. ഒരു കോഴ്സിന് ഒരു പ്രാവശ്യം സ്കോളര്ഷിപ്പ് ലഭിച്ചവര് വീണ്ടും ആ കോഴ്സ് കാലയളവിലേക്ക് അപേക്ഷിക്കേണ്ടതില്ല. ഫോണ്- 0495-2768094, 9745229580.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
