HIGHLIGHTS : മലപ്പുറം : സംസ്ഥാന കായകല്പ്പ് അവാര്ഡ് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് പ്രഖ്യാപിച്ചു. മലപ്പുറം ജില്ല ഇത്തവണ 10 അവാര്ഡുകള് സ്വന്തമാക്...
മലപ്പുറം : സംസ്ഥാന കായകല്പ്പ് അവാര്ഡ് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് പ്രഖ്യാപിച്ചു. മലപ്പുറം ജില്ല ഇത്തവണ 10 അവാര്ഡുകള് സ്വന്തമാക്കി. ജില്ലാതല ആശുപത്രികളില് ജില്ലാതലത്തില് 70 ശതമാനത്തില് കൂടുതല് മാര്ക്ക് നേടിയ ആശുപത്രികള്ക്കുളള മൂന്ന് ലക്ഷം രൂപയുടെ കമന്റേഷന് അവാര്ഡ് ജില്ലയില് നിലമ്പൂര് ജില്ലാ ആശുപത്രി (83.7), തിരൂര് ജില്ലാ ആശുപത്രി (83.5) എന്നീ ആരോഗ്യ സ്ഥാപനങ്ങള് നേടി. സബ് ജില്ലാതലത്തില് 77 ശതമാനം മാര്ക്കി നേടി പൊന്നാനി താലൂക്ക് ഹെഡ് ക്വാര്ട്ടേഴ്സ് ആശുപത്രി ഒരു ലക്ഷം രൂപയുടെ കമന്റേഷന് അവാര്ഡ് സ്വന്തമാക്കി. 70 ശതമാനത്തിന് മുകളില് മാര്ക്കുള്ള സി.എച്ച്.സി.കള്ക്ക് ഒരു ലക്ഷം രൂപ വീതം കമന്ഡേഷന് അവാര്ഡ് കാളികാവ് സി.എച്ച്.സി സ്വന്തമാക്കി. 87.7 ശതമാനം മാര്ക്ക് നേടി കാളികാവ് സി.എച്ച്.സി സംസ്ഥാനതലത്തില് രണ്ടാം സ്ഥാനവും നേടി. നിലമ്പൂര് മുമുള്ളി അര്ബന് പ്രൈമറി ഹെല്ത്ത് സെന്റര് ഒന്നാം സ്ഥാനവും (2 ലക്ഷം), ഇരവിമംഗലം അര്ബന് പ്രൈമറി ഹെല്ത്ത് സെന്റര് (ഒരു ലക്ഷം) മൂന്നാം സ്ഥാനവും കരസ്ഥമാക്കി. 70 ശതമാനത്തിന് മുകളിലുള്ള അര്ബന് പ്രൈമറി ഹെല്ത്ത് സെന്ററുകള്ക്ക് 50,000 രൂപ വീതമുള്ള കമന്ഡേഷന് അവാര്ഡിന് മലപ്പുറം മംഗലശേരി അര്ഹരായി.
![](https://malabarinews.com/wp-content/uploads/2024/06/auto-caught-fire.jpg)
![](https://malabarinews.com/wp-content/uploads/2020/07/careertech.jpg)
കുടുംബാരോഗ്യകേന്ദ്രം പ്രാഥമികാരോഗ്യ കേന്ദ്ര വിഭാഗത്തില് എല്ലാ ജില്ലകളില് നിന്നും ഏറ്റവും കൂടുതല് മാര്ക്ക് ലഭിച്ച പ്രാഥമികാരോഗ്യ കേന്ദ്രത്തിനുളള രണ്ട് ലക്ഷം രൂപ വഴിക്കടവ് കുടുംബാരോഗ്യകേന്ദ്രവും ജില്ലയില് തന്നെ 70 ശതമാനത്തില് കൂടുതല് മാര്ക്ക് ലഭിച്ച രണ്ട് പ്രാഥമികാരോഗ്യ കേന്ദ്രങ്ങളായ മൊറയൂര് കുടുംബാരോഗ്യകേന്ദ്രം (71 ശതമാനം), ചോക്കാട് കുടുംബാരോഗ്യകേന്ദ്രം (88ശതമാനം) എന്നീ ആരോഗ്യകേന്ദ്രങ്ങള്ക്ക് 50,000 രൂപ വീതവും അവാര്ഡ് ലഭിച്ചു.
![](https://malabarinews.com/wp-content/uploads/2021/11/sameeksha.jpg)
സര്ക്കാര് ആരോഗ്യ സ്ഥാപനങ്ങളിലെ ശുചിത്വം പരിപാലനം, അണുബാധ നിയന്ത്രണം എന്നിവ വിലയിരുത്തി പ്രോത്സാഹിപ്പിക്കുന്നതിന് സര്ക്കാര് ആവിഷ്കരിച്ച അവാര്ഡാണ് കായകല്പ്പ്. കേരളത്തിലെ പ്രാഥമികാരോഗ്യ കേന്ദ്രങ്ങള് (പി.എച്ച്.സി.) സാമൂഹികാരോഗ്യ കേന്ദ്രങ്ങള് (സി.എച്ച്.സി), താലൂക്ക് ആശുപത്രികള്, ജില്ലാ ആശുപത്രികള് എന്നിവയില് നിന്ന് തെരഞ്ഞെടുക്കുന്ന മികച്ച ആശുപത്രികള്ക്കാണ് കായകല്പ്പ് അവാര്ഡ് നല്കുന്നത്. ആശുപത്രികളില് ജില്ലാതല പരിശോധനയും പിന്നീട് സംസ്ഥാനതല പരിശോധനയും നടത്തി അവാര്ഡ് നിയന്ത്രണ കമ്മറ്റിയിലൂടെയാണ് ഏറ്റവും മികച്ച ആശുപത്രികളെ തെരഞ്ഞെടുത്തിരിക്കുന്നത്.