നടിയെ ആക്രമിച്ച കേസില് കോടതിയില് ഇപ്പോള് നടക്കുന്നത് നാടകം മാത്രമെന്ന് കോടതിക്കെതിരേ വിമര്ശനമുന്നയിച്ച് ഭാഗ്യലക്ഷ്മി. നടിയെ ആക്രമിച്ച കേസിന്റെ വിധി തയ്യാറാണ്. ഇനി അത് പ്രഖ്യാപിക്കേണ്ട ദിവസമേയുള്ളൂ. ബാക്കിയെല്ലാം കഴിഞ്ഞു. ഇപ്പോള് നടക്കുന്നതെല്ലാം മറ്റുപല നാടകങ്ങളുമാണ് ഭാഗ്യലക്ഷ്മി കുറ്റപ്പെടുത്തി.
കോടതിയില് പ്രോസിക്യൂട്ടര്മാര് അപമാനവും പരിഹാസവും നേരിടുകയാണ്. രണ്ട് പ്രോസിക്യൂട്ടര്മാര് മാറിയിട്ടും ജുഡീഷ്യറി കാരണം ചോദിക്കുന്നില്ല. എന്താണ് പ്രശ്നമെന്ന് ഒരു സാധാരണക്കാരനോടും കോടതി ചോദിക്കുന്നില്ല ഭാഗ്യലക്ഷ്മി മാധ്യമങ്ങളോട് പറഞ്ഞു.
നീതിപീഠത്തോട് ഭയവും സംശയവുമാണെന്നും ഉന്നതനും സാധാരണക്കാരനും ഇവിടെ രണ്ട് നീതിയാണെന്നും ഭാഗ്യലക്ഷ്മി ആരോപിച്ചു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
