വിവിധ തസ്തികകളില് താത്ക്കാലിക നിയമനം
സര്വേയും ഭൂരേഖയും വകുപ്പില് ഡിജിറ്റല് സര്വേ മിഷന് സ്റ്റേറ്റ് ലെവല് പ്രോഗ്രാം മാനേജ്മെന്റ് യൂണിറ്റില് (SPMU) വിവിധ തസ്തികകളില് താത്ക്കാലിക നിയമനത്തിന് അപേക്ഷ ക്ഷണിച്ചു. ഒരു വര്ഷത്തെ കരാര് അടിസ്ഥാനത്തിലാണ് നിയമനം. ജി.ഐ.എസ് എക്സ്പെര്ട്ട്, ഐ.റ്റി മാനേജര്, പ്രോജക്ട് മാനേജ്മെന്റ് കണ്സള്ട്ടന്റ് തസ്തികകളില് ഒന്നു വീതം ഒഴിവാണുള്ളത്. അപേക്ഷിക്കേണ്ട വിധം, യോഗ്യത, പ്രായപരിധി തുടങ്ങിയ വിശദ വിവരങ്ങള് www.dslr.kerala.gov.in ല് ലഭിക്കും. അപേക്ഷ ജനുവരി 15 വരെ സ്വീകരിക്കും.
അന്യത്ര സേവന വ്യവസ്ഥയില് നിയമനം
കേരള അബ്കാരി തൊഴിലാളി ക്ഷേമനിധി ബോര്ഡിന്റെ എറണാകുളം മേഖലാ ഓഫീസില് വെല്ഫെയര് ഫണ്ട് ഇന്സ്പെക്ടര് തസ്തികയിലും (ശമ്പള സ്കെയില് 50,200 – 1,05,300), ബോര്ഡിന്റെ തിരുവനന്തപുരത്തെ ചീഫ് ഓഫീസ്, എറണാകുളം മേഖലാ ഓഫീസ് എന്നിവിടങ്ങളില് ക്ലാര്ക്ക് (ശമ്പള സ്കെയില് 26,500 – 60,700) തസ്തികയിലേക്കും, എറണാകുളം, കോഴിക്കോട് മേഖലാ ഓഫീസുകളില് എല്.ഡി ടൈപ്പിസ്റ്റ് തസ്തികയിലേക്കും (ശമ്പള സ്കെയില് 26,500-60,700) അന്യത്ര സേവന വ്യവസ്ഥയില് അപേക്ഷ ക്ഷണിച്ചു. വകുപ്പ് മേധാവിയുടെ നിരാക്ഷേപപത്രം സഹിതം നിശ്ചിത ഫോമില് അപേക്ഷ ജനുവരി 31നു മുമ്പ് സമര്പ്പിക്കണം. കൂടുതല് വിവരങ്ങള്ക്ക് ചീഫ് വെല്ഫെയര് ഫണ്ട് ഇന്സ്പെക്ടര്, കേരള അബ്കാരി തൊഴിലാളി ക്ഷേമനിധി ബോര്ഡ്, കെ.സി.പി. ബില്ഡിംഗ്, ആര്യശാല, തിരുവനന്തപുരം – 695 036.
സിസ്റ്റം അഡ്മിനിസ്ട്രേറ്റർ ഒഴിവ്
വ്യാവസായിക പരിശീലന വകുപ്പിൽ രൂപീകരിച്ചിട്ടുള്ള സംസ്ഥാന ഐ.ടി സെല്ലിൽ സിസ്റ്റം അഡ്മിനിസ്ട്രേറ്റർ തസ്തികയിൽ കരാർ വ്യവസ്ഥയിൽ ഒരു വർഷക്കാലയളവിലേക്ക് നിയമനം നടത്തുന്നതിന് യോഗ്യരായ ഉദ്യോഗാർഥികളിൽ നിന്ന് അപേക്ഷ ക്ഷണിച്ചു. നിയമനം, യോഗ്യത എന്നിവ സംബന്ധിച്ച വിശദവിവരങ്ങൾ വ്യാവസായിക പരിശീലന വകുപ്പ് വെബ്സൈറ്റിൽ ലഭ്യമാണ് (https://det.kerala.gov.in). നിശ്ചിത യോഗ്യത ഉള്ള ഉദ്യോഗാർത്ഥികൾ വിദ്യാഭ്യാസ യോഗ്യതയും, പ്രവൃത്തി പരിചയവും തെളിയിക്കുന്ന സർട്ടിഫിക്കറ്റുകളുടെ അസലുകൾ, സ്വയം സാക്ഷ്യപ്പെടുത്തിയ പകർപ്പുകൾ എന്നിവ സഹിതം സിസ്റ്റം അഡ്മിനിസ്ട്രേറ്റർ തസ്തികയിൽ അഭിമുഖത്തിനായി ജനുവരി 12നു രാവിലെ 10.30ന് ട്രെയിനിംഗ് ഡയറക്ടറേറ്റ്, അഞ്ചാം നില, തൊഴിൽ ഭവൻ, വികാസ് ഭവൻ കെ.എസ്.ആർ.ടി.സി ഡിപ്പോക്ക് എതിർവശം, വികാസ് ഭവൻ പി.ഒ, തിരുവനന്തപുരം എന്ന വിലാസത്തിൽ നേരിൽ ഹാജരാകണം.
ഫിനാൻസ് ഓഫീസർ ഒഴിവ്
സർക്കാർ നിയന്ത്രണത്തിൽ മുട്ടത്തറയിൽ പ്രവർത്തിക്കുന്ന കോ-ഓപ്പറേറ്റീവ് അക്കാഡമി ഓപ് പ്രൊഫഷണൽ എഡ്യൂക്കേഷൻ (കേപ്പ്) ൽ സീനിയർ ഫിനാൻസ് ഓഫീസർ തസ്തികയിൽ താത്ക്കാലിക ഒഴിവുണ്ട്. അക്കൗണ്ടന്റ് ജനറലിന്റെ ഓഫീസിൽ നിന്ന് സീനിയർ ഏ.ഒ ആയോ സംസ്ഥാന / കേന്ദ്രമേഖല സ്ഥാപനങ്ങളിൽ നിന്ന് ഡി.ജി.എം / ജി.എം (ഫിനാൻസ്) തലത്തിൽ നിന്നോ വിരമിച്ചവർക്ക് അപേക്ഷിക്കാവുന്നതാണ്. പ്രായപരിധി 62 വയസ്. അപേക്ഷ ലഭിക്കുന്നതിനുള്ള അവസാന തീയതി ജനുവരി 12 വൈകുന്നേരം അഞ്ച്. അപേക്ഷ കേപ്പിന്റെ വെബ്സൈറ്റായ www.capekerala.org നിന്നും ഡൗൺലോഡ് ചെയ്യാവുന്നതാണ്.
