വാഷിങ്ടണ്: ഡിഎന്എയുടെ ഘടന കണ്ടുപിടിച്ച ശാസ്ത്രജ്ഞന് ജെയിംസ് വാട്സണ് അന്തരിച്ചു. 97 വയസായിരുന്നു. 20ാം നൂറ്റാണ്ടില് ശാസ്ത്ര ലോകത്ത് നിര്ണായക വഴിത്തിരിവായ മാറിയ ഡിഎന്എയുടെ പിരിയന് ഗോവണി ഘടന(ഡബിള് ഹീലിക്സ്)യുടെ കണ്ടുപിടിത്തതിന് 1962ല് വൈദ്യശാസ്ത്രത്തിന് നൊബേല് പുരസ്കാരം നേടി.
1953ല് 24ാം വയസിലായിരുന്നു ജെയിംസ് വാട്സണ് ഡിഎന്എയുടെ ഘടന കണ്ടെത്തിയത്. താനും ഫ്രാന്സിസിക് ക്രിക്കും നൂറ്റാണ്ടിന്റെ കണ്ടെത്തലാണ് നടത്തിയതെന്ന് അഭിപ്രായപ്പെട്ടിരുന്ന ജെയിംസ് വാട്സണ് ഈ കണ്ടെത്തല് സമൂഹത്തില് ഇത്രയും ചലനമുണ്ടാക്കുമെന്ന് കരുതിയിരുന്നില്ലെന്നായിരുന്നു ഒരിക്കല് പ്രതികരിച്ചത്. രോഗികള്ക്ക് ജീനുകള് നല്കി ചികിത്സിക്കുക, ഡിഎന്എ സാമ്പിളുകളില് നിന്ന് മൃതദേഹങ്ങളെയും പ്രതികളെയും തിരിച്ചറിയുക, കുടുംബ വംശാവലി കണ്ടെത്തുക തുടങ്ങിയ നിര്ണായകമായ വഴിത്തിരിവുകള്ക്കെല്ലാം തുടക്കമായത് ഡിഎന്എയുടെ ഘടന കണ്ടെത്തിയതോടെയാണ്. മനുഷ്യ ജീനോം മാപ്പ് ചെയ്യുന്നതിനുള്ള പദ്ധതിക്കും അദ്ദേഹം മാര്ഗനിര്ദേശം നല്കിയിട്ടുണ്ട്. യുവ ശാസ്ത്രജ്ഞര്ക്ക് വേണ്ട നിര്ദേശങ്ങളും അദ്ദേഹം നല്കി.
1928 ഏപ്രിലില് ഷിക്കാഗോയിലാണ് വാട്സണ് ജനിച്ചത്. 15ാം വയസില് ചിക്കാഗോ സര്വകലാശാലയില് സ്കോളര്ഷിപ്പ് നേടി. ഡിഎന്എ ഘടനയെക്കുറിച്ചുള്ള ഗവേഷണം മുന്നോട്ട് കൊണ്ടുപോകാന് കേംബ്രിഡ്ജിലെത്തി. കണ്ടുപിടിത്തതിന് ശേഷം ഭാര്യ എലിസബത്തിനൊപ്പം ഹാര്വാര്ഡിലേക്ക് മാറി ജീവശാസ്ത്ര പ്രൊഫസറായി.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
