കുവൈത്ത് സിറ്റി: യുഎസും ഇസ്രയേലും നടത്തുന്ന ആക്രമണത്തിന് പ്രതികാരമായി ഗള്ഫ് രാജ്യങ്ങളിലേക്ക് വീണ്ടും ഇറാന്റെ ആക്രമണം. ആക്രമണത്തില് കുവൈത്തില് ഇന്ത്യക്കാരന് കൊല്ലപ്പെട്ടു. മരിച്ചയാളുടെ വിവരങ്ങള് ലഭ്യമല്ല. വൈദ്യുതി നിലയങ്ങളും കടല് വെള്ളം ശുദ്ധീകരിക്കുന്ന പ്ലാന്റുകളും കേന്ദ്രീകരിച്ചുള്ള ആക്രമണത്തിലാണ് മരണം. ആക്രമണത്തില് വൈദ്യുത നിലയങ്ങള്ക്കും ഒരു ജലശുദ്ധീകരണ പ്ലാന്റിനും കേടുപാടുകളുണ്ടായി.
ഇറാനിലെ തബ്രിസിലുള്ള പെട്രോകെമിക്കൽ പ്ലാന്റിന് നേരെ യുഎസ്-ഇസ്രയേൽ ആക്രമണമുണ്ടായി. ഇതിനെത്തുടർന്ന് തലസ്ഥാനമായ തെഹ്റാന്റെ പല ഭാഗങ്ങളിലും വൈദ്യുതി ബന്ധം നിലച്ചു.
യുഎഇയ്ക്ക് നേരെയുണ്ടായ ആക്രമണങ്ങളെ ഫലപ്രദമായി ചെറുത്തെന്ന് യുഎഇ പ്രതിരോധ മന്ത്രാലയം അറിയിച്ചു.
ആക്രമണങ്ങളുടെ പശ്ചാത്തലത്തില് ബഹ്റൈനില് രാത്രികാല കടല് യാത്ര നിരോധിച്ചു. മത്സ്യബന്ധനത്തിനുള്പ്പെടെയാണ് നിരോധനം. വൈകീട്ട് ആറുമുതല് പുലര്ച്ചെ നാലുവരെയാണ് വിലക്ക് ഏര്പ്പെടുത്തിയിരിക്കുന്നത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
