HIGHLIGHTS : ഈ യാത്ര ഒരിക്കലും എളുപ്പമായിരുന്നില്ല. ഇരയാക്കപ്പെടലില് നിന്നും അതിജീവനത്തിലേക്കുള്ള ഈ യാത്രയിലാണ് താനെന്ന് ആക്രമിക്കപ്പെട്ട നടി. കേസില് പുതിയ വെ...
ഈ യാത്ര ഒരിക്കലും എളുപ്പമായിരുന്നില്ല. ഇരയാക്കപ്പെടലില് നിന്നും അതിജീവനത്തിലേക്കുള്ള ഈ യാത്രയിലാണ് താനെന്ന് ആക്രമിക്കപ്പെട്ട നടി. കേസില് പുതിയ വെളിപ്പെടുത്തലുകളും ദിലീപിനെതിരെ പുതിയ കേസ് ഉണ്ടായ സാഹചര്യത്തില് ആദ്യമായാണ് നടിയുടെ പ്രതികരണം. തന്റെ ഇന്സ്റ്റാഗ്രാം പേജിലൂടെയാണ് തന്റെ പോരാട്ടം തുടരുമെന്ന് അറിയിച്ചത്.
നടിയുടെ പ്രതികരണത്തിന്റെ പൂര്ണ്ണരൂപം…
ഈ യാത്ര ഒരിക്കലും എളുപ്പമായിരുന്നില്ല. ഇരയാക്കപ്പെടലില് നിന്നും അതിജീവനത്തിലേക്കുള്ള ഈ യാത്ര.
5 വര്ഷമായി എന്റെ പേരും വ്യക്തിത്വവും എനിക്ക് സംഭവിച്ച അതിക്രമത്തിനടിയില് അടിച്ചമര്ത്തപ്പെട്ടിരിക്കുകയാണ്.
കുറ്റം ചെയ്തത് ഞാന് അല്ലെങ്കിലും എന്നെ അവഹേളിക്കാനും നിശ്ശബ്ദയാക്കാനും ഒറ്റപ്പെടുത്താനും ഒരുപാട് ശ്രമങ്ങള് ഉണ്ടായിട്ടുണ്ട് എന്നാല് അപ്പോളൊക്കെയും ചിലരൊക്കെ നിശബ്ദത ഭേദിച്ച് മുന്നോട്ട് വന്നു എനിക്ക് വേണ്ടി സംസാരിക്കാന് എന്റെ ശബ്ദം നിലയ്ക്കാതിരിക്കാന് ഇന്ന് എനിക്ക് വേണ്ടി നിലകൊള്ളുന്ന ഇത്രയും ശബ്ദങ്ങള് കേള്ക്കുമ്പോള് ഞാന് തനിച്ചല്ലെന്ന് തിരിച്ചറിയുന്നു
നീതി പുലരാനും തെറ്റു ചെയ്തവര് ശിക്ഷിക്കപ്പെടാനും ഇങ്ങനെയൊരനുഭവം മറ്റാര്ക്കും ഉണ്ടാവാതെയിരിക്കാനും ഞാന് ഈ യാത്ര തുടര്ന്ന് കൊണ്ടേയിരിക്കും കൂടെ നില്ക്കുന്ന എല്ലാവരുടെയും സ്നേഹത്തിനു ഹൃദയം നിറഞ്ഞ നന്ദി.