HIGHLIGHTS : Husband arrested for Kottayam woman's suicide
കോട്ടയം മണര്കാട് യുവതിയുടെ ആത്മഹത്യയില് ഭര്ത്താവ് അറസ്റ്റില്. സ്ത്രീധന പീഡനം അടക്കമുള്ള വകുപ്പുകള് ചുമത്തിയാണ് ഭര്ത്താവ് ബിനുവിനെ അറസ്റ്റ് ചെയ്തത്. കാഞ്ഞിരപ്പള്ളി ഡിവൈ.എസ്.പി.യുടെ നേതൃത്വത്തിലുള്ള പോലീസ് സംഘമാണ് ബിനുവിനെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
കഴിഞ്ഞ ഏപ്രില് 3ാം തീയതിയാണ് അര്ച്ചനയെ ഭര്തൃഗൃഹത്തില് തൂങ്ങിമരിച്ച നിലയില് കണ്ടെത്തിയത്. ഭര്ത്താവിന്റെയും ഭര്തൃമാതാപിതാക്കളുടെയും പീഡനം കാരണമാണ് മകള് ജീവനൊടുക്കിയതെന്നായിരുന്നു അര്ച്ചനയുടെ മാതാപിതാക്കളുടെ പരാതി.
സ്ത്രീധനത്തെച്ചൊല്ലി അര്ച്ചന ഭര്തൃവീട്ടില് നിന്ന് മാനസിക, ശാരീരിക പീഡനം നേരിട്ടെന്ന പൊലീസ് കണ്ടെത്തലിനെ തുടര്ന്നാണ് ബിനുവിനെ അറസ്റ്റ് ചെയ്തത്.