ഹയര്സെക്കന്ഡറി പ്ലസ് വണ് മുഖ്യഘട്ട അലോട്ട്മെന്റുകളിലും ഒന്നാം സപ്ലിമെന്ററി അലോട്ട്മെന്റിലും അലോട്ട്മെന്റ് ലഭിക്കാതിരുന്നവര്ക്കും ഇതുവരെ അപേക്ഷിക്കാന് കഴിയാതിരുന്നവര്ക്കും രണ്ടാം സപ്ലിമെന്ററി അലോട്ട്മെന്റിന് അപേക്ഷിക്കാം. ജൂലൈ 19 ന് രാവിലെ 10 മുതല് ജൂലൈ 20 ന് വൈകീട്ട് നാലുവരെ ഓണ്ലൈനായി അപേക്ഷ നല്കാം. രണ്ടാം സപ്ലിമെന്ററി അലോട്ട്മെന്റിനായുള്ള വേക്കന്സിയും മറ്റു വിവരങ്ങളും ജൂലൈ 19 ന് രാവിലെ 9 ന് hscap.kerala.gov.in ല് പ്രസിദ്ധീകരിക്കും. നിലവില് ഏതെങ്കിലും ക്വാട്ടയില് പ്രവേശനം നേടിയ വിദ്യാര്ഥികള്ക്കും മുഖ്യഘട്ടത്തില് അലോട്ടമെന്റ് ലഭിച്ചിട്ട് പ്രവേശനത്തിന് ഹാജരാകാത്തവര്ക്കും (നോണ്-ജോയിനിങ്ങ്) മെറിറ്റ് ക്വാട്ടയില് നിന്നും പ്രവേശനം ക്യാന്സല് ചെയ്തവര്ക്കും ഏതെങ്കിലും ക്വാട്ടയില് പ്രവേശനം നേടിയ ശേഷം വിടുതല് സര്ട്ടിഫിക്കറ്റ് (ടി.സി) വാങ്ങിയവര്ക്കും വീണ്ടും അപേക്ഷിക്കാന് സാധിക്കില്ല.
ട്രയല് അലോട്ട്മെന്റ് പ്രസിദ്ധീകരിച്ച ശേഷവും എല്ലാ അപേക്ഷകരും അപേക്ഷാവിവരങ്ങള് പരിശോധിച്ച് ഓപ്ഷനുകള് ഉള്പ്പടെ അപേക്ഷയിലെ ലോഗിന് വിവരങ്ങള് ഒഴികെ ഏതുവിവരവും തിരുത്താന് സമയം നല്കിയിരുന്നു. ഈ അവസരങ്ങളൊന്നും പ്രയോജനപ്പെടുത്താതിരുന്നതിനാല് തെറ്റായ വിവരങ്ങള് അപേക്ഷയില് ഉള്പ്പെട്ടു അലോട്ടമെന്റ് ലഭിച്ചിട്ടും പ്രവേശനം നിരാകരിക്കപ്പെട്ടവര്ക്കും സപ്ലിമെന്ററി അലോട്ടമെന്റില് പരിഗണിക്കുന്നതിനായി അപേക്ഷ പുതുക്കാന് സൗകര്യം അനുവദിച്ചിട്ടുണ്ട്. അപേക്ഷകളിലെ പിഴവുകള് തിരുത്തി വേണം അപേക്ഷ പുതുക്കേണ്ടത്.
അപേക്ഷകര്ക്ക് രണ്ടാം സപ്ലിമെന്ററി അലോട്ട്മെന്റിന് അപേക്ഷിക്കാനും മറ്റും വേണ്ട നിര്ദേശങ്ങളും സാങ്കേതിക സഹായങ്ങളും സ്കൂള് ഹെല്പ് ഡെസ്കുകളിലൂടെ നല്കാന് വേണ്ട സജ്ജീകരണങ്ങള് സ്കൂള് പ്രിന്സിപ്പല്മാര് ഒരുക്കണം.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
