ആലപ്പുഴ, പാലക്കാട്, തൃശൂര്, കോഴിക്കോട് ജില്ലയിലെ ചില പ്രദേശങ്ങളില് 2024 മേയ് 02, 03 തീയതികളില് ഉഷ്ണതരംഗ സാധ്യത തുടരുന്നതിനാല് കേന്ദ്ര കാലവസ്ഥ വകുപ്പ് മഞ്ഞ അലര്ട്ട് പ്രഖ്യാപിച്ചു.
മേയ് 2 മുതല് മേയ് 6 വരെ പാലക്കാട് ജില്ലയില് ഉയര്ന്ന താപനില 40 ഡിഗ്രി സെല്ഷ്യസ് വരെയും കൊല്ലം, തൃശൂര്, കോഴിക്കോട് ജില്ലകളില് ഉയര്ന്ന താപനില 39 ഡിഗ്രി സെല്ഷ്യസ് വരെയും, ആലപ്പുഴ, കോട്ടയം, പത്തനംതിട്ട, കണ്ണൂര് ജില്ലകളില് ഉയര്ന്ന താപനില, 38 ഡിഗ്രി സെല്ഷ്യസ് വരെയും, തിരുവനന്തപുരം, എറണാകുളം, മലപ്പുറം, കാസര്ഗോഡ് ജില്ലകളില് ഉയര്ന്ന താപനില 37 ഡിഗ്രി സെല്ഷ്യസ് വരെയും (സാധാരണയെക്കാള് 3 – 5 ഡിഗ്രി സെല്ഷ്യസ് കൂടുതല്) ഉയരാന് സാധ്യതയെന്ന് കേന്ദ്ര സാലാവസ്ഥ വകുപ്പ് അറിയിച്ചു.
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില് മലയോര മേഖലകളിലൊഴികെ 2024 മേയ് 2 മുതല് മേയ് 6 വരെ ചൂടും ഈര്പ്പവുമുള്ള കാലാവസ്ഥയ്ക്ക് സാധ്യതയുണ്ട്. ആലപ്പുഴ ജില്ലയിലെ ചില പ്രദേശങ്ങളില് ഇന്നും നാളെയും മെയ് 2, 3 തീയതികളില് ഉയര്ന്ന രാത്രി താപനില തുടരാന് സാധ്യതയുണ്ടെന്നും മുന്നറിയിപ്പുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
