HIGHLIGHTS : തിരുവനന്തപുരം: കേരള തീരത്തേക്ക് വടക്കുപടിഞ്ഞാറ് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശാനുള്ള സാധ്യ...
തിരുവനന്തപുരം: കേരള തീരത്തേക്ക് വടക്കുപടിഞ്ഞാറ് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശാനുള്ള സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു. ഈ സാഹചര്യത്തില് മത്സ്യത്തൊഴിലാളികള് കടലില് പോകരുതെന്നും അറിയിച്ചു.
ജൂലൈ 19 മുതല് 20 വരെ കേരള, ലക്ഷദ്വീപ് തീരങ്ങളിലാണ് മുന്നറിയിപ്പ്. ജൂലൈ 19 വരെ തെക്ക്-പടിഞ്ഞാറന്, വടക്ക് അറബിക്കടല്, മധ്യ അറബിക്കടല് എന്നിവിടങ്ങളില് തെക്ക് പടിഞ്ഞാറന് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശുമെന്ന് അറിയിപ്പില് വ്യക്തമാക്കുന്നു.
ജൂലൈ 20 മുതല് 22 വരെ തെക്ക്-പടിഞ്ഞാറന് അറബിക്കടല് ചേര്ന്നുള്ള മധ്യ അറബിക്കടല് എന്നിവിടങ്ങളില് തെക്ക് പടിഞ്ഞാറന് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശിയേക്കാം.
ജൂലൈ 20 വരെ മാലിദ്വീപ്, കോമോറിന് തീരങ്ങള്, ഗള്ഫ് ഓഫ് മാന്നാര് എന്നിവിടങ്ങളില് തെക്ക് പടിഞ്ഞാറന് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് വേഗതയില് ശക്തമായ കാറ്റ് വീശാനിടയുണ്ട്.
മേല്പറഞ്ഞ സമുദ്രഭാഗങ്ങളില് കടല് പ്രക്ഷുബ്ധമോ അതിപ്രക്ഷുബ്ധമോ ആവാന് സാധ്യതയുള്ളതിനാല് ഈകാലയളവില് കടലില് പോകരുതെന്ന് സംസ്ഥാന ദുരന്ത നിവാരണ അതോറിറ്റി നിര്ദേശിച്ചു.