HIGHLIGHTS : Heavy rains likely in the state; Kasaragod Orange Alert
തിരുവനന്തപുരം: സംസ്ഥാനത്ത് ശക്തമായ മഴ തുടരാന് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ശക്തമായ കാറ്റിനും, ഇടിമിന്നലോട് കൂടിയ മഴയ്ക്കുമാണ് സാധ്യത.
മധ്യകേരളത്തിലും വടക്കന് കേരളത്തിലും മഴ കനത്തേക്കും. കാസര്ഗോഡ് ഓറഞ്ച് അലേര്ട്ട് പ്രഖ്യാപിച്ചു. എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, വയനാട്, കണ്ണൂര് ജില്ലകളില് യല്ലോ മുന്നറിയിപ്പുണ്ട്.
ബുധനാഴ്ച്ചയോടെ വടക്ക് പടിഞ്ഞാറന് ബംഗാള് ഉള്ക്കടലില്, ഒഡിഷ തീരത്തിനടുത്ത് ന്യൂന മര്ദ്ദം രൂപപ്പെട്ടേക്കും. ചൊവ്വയും, ബുധനും സംസ്ഥാനത്ത് അതിശക്തമായ മഴയ്ക്ക് സാധ്യതയെന്നാണ് മുന്നറിയിപ്പ്. ചൊവ്വാഴ്ച്ച 4 ജില്ലകളിലും, ബുധനാഴ്ച്ച 6 ജില്ലകളിലും ഓറഞ്ച് മുന്നറിയിപ്പുണ്ട്. പൊതുജനങ്ങളും സര്ക്കാര് സംവിധാനങ്ങളും ജാഗ്രത പാലിക്കണം. കേരള തീരത്ത് ഉയര്ന്ന തിരമാലയ്ക്കും ശക്തമായ കാറ്റിനും സാധ്യതയുണ്ട്. കേരള-കര്ണാടക- ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്ക്. കടലാക്രമണത്തിനും സാധ്യതയുള്ളതിനാല് തീരദേശവാസികളും ജാഗ്രത പാലിക്കണം.