തിരുവനന്തപുരം: സംസ്ഥാനത്ത് പലയിടത്തും ശക്തമായ മഴ തുടരുന്നു. തിരുവനന്തപുരത്ത് വൈകിട്ട് ആരംഭിച്ച ഇടിയോട് കൂടിയ മഴ ഇപ്പോഴും തുടരുകയാണ്. താഴ്ന്ന സ്ഥലങ്ങള് പലതും വെള്ളത്തില് മുങ്ങി. തമ്പാനൂരിലെ കെഎസ്ആര്ടിസി ബസ് സ്റ്റാന്ഡ്, എസ് എസ് കോവില് റോഡ്, റെയില്വേ സ്റ്റേഷന് പരിസര പ്രദേശങ്ങളിലെല്ലാം വെള്ളക്കെട്ട് രൂക്ഷമാണ്.
റെയില്വേ ട്രാക്കിലും വെള്ളം കയറി. ലോക്ക്ഡൗണ് ആയതിനാല് ജനങ്ങള് കുറവാണെങ്കിലും ഫയര്ഫോഴ്സ് സംഘം പ്രദേശത്ത് ആരെങ്കിലും കുടുങ്ങിക്കിടക്കുന്നുണ്ടോയെന്ന് പരിശോധിക്കുന്നുണ്ട്. തിരുവനന്തപുരം നഗരത്തില് മാത്രം രണ്ടര മണിക്കൂറില് 79 മില്ലി മീറ്റര് മഴയാണ് രേഖപ്പെടുത്തിയത്.
കോഴിക്കോട് കക്കയത്തും കാസര്ഗോഡ് വെളളരിക്കുണ്ടിലും മഴ തുടരുകയാണ്.സംസ്ഥാനത്ത് വരും ദിവസങ്ങളിലും അതിശക്തമായ മഴയ്ക്കും കാറ്റിനും കടലാക്രമണത്തിനും സാധ്യതയുണ്ടെന്ന് കാലാവസ്ഥാ വിഭാഗം മുന്നറിയിപ്പ് നല്കിയിട്ടുണ്ട്. ന്യൂനമര്ദം ചുഴലിക്കാറ്റായി മാറാന് സാധ്യതയുള്ളതിനാല് മറ്റന്നാള് മുതല് കേരള തീരത്ത് നിന്ന് കടലില് പോകരുതെന്നും നിര്ദ്ദേശമുണ്ട്.
