HIGHLIGHTS : തിരുവനന്തപുരം: ബംഗാള് ഉള്ക്കടലില് ന്യൂനമര്ദം രൂപപ്പെടുന്നതിനാല് കേരളത്തില് കാലവര്ഷം ശക്തി പ്രാപിക്കുമെന്നും വിവിധയിടങ്ങളില് അടുത്ത ദിവസങ്ങള...
തിരുവനന്തപുരം: ബംഗാള് ഉള്ക്കടലില് ന്യൂനമര്ദം രൂപപ്പെടുന്നതിനാല് കേരളത്തില് കാലവര്ഷം ശക്തി പ്രാപിക്കുമെന്നും വിവിധയിടങ്ങളില് അടുത്ത ദിവസങ്ങളില് അതിതീവ്ര മഴ ലഭിക്കാന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. ഇതേ തുടര്ന്ന് താഴെ പറയുന്ന ജില്ലകളില് റെഡ്, ഓറഞ്ച്, യെല്ലോ അലര്ട്ടുകള് പ്രഖ്യാപിച്ചു.
റെഡ് അലര്ട്ട് :
2020 സെപ്റ്റംബര് 19 : ഇടുക്കി, കണ്ണൂര്, കാസര്ഗോഡ്.
2020 സെപ്റ്റംബര് 20 : ഇടുക്കി, മലപ്പുറം, കണ്ണൂര്, കാസര്ഗോഡ്.
ഓറഞ്ച് അലര്ട്ട് :
2020 സെപ്റ്റംബര് 19 : ആലപ്പുഴ , കോട്ടയം, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്.
2020 സെപ്റ്റംബര് 20 : കോട്ടയം, എറണാകുളം, തൃശൂര്, പാലക്കാട്, കോഴിക്കോട്, വയനാട്.
2020 സെപ്റ്റംബര് 21 : കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്.
യെല്ലോ അലര്ട്ട് :
2020 സെപ്റ്റംബര് 19 : തിരുവനന്തപുരം, കൊല്ലം, പത്തനംതിട്ട
2020 സെപ്റ്റംബര് 20 : തിരുവനന്തപുരം, കൊല്ലം, പത്തനംതിട്ട, ആലപ്പുഴ.
2020 സെപ്റ്റംബര് 21 : കൊല്ലം, പത്തനംതിട്ട, ആലപ്പുഴ.
2020 സെപ്റ്റംബര് 22 : ആലപ്പുഴ, കോട്ടയം, ഇടുക്കി, എറണാകുളം, തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്.
അതിതീവ്ര മഴയുടെ സാഹചര്യത്തില് അതീവ ജാഗ്രത പുലര്ത്തണം.
് ഉരുള്പൊട്ടല്, മണ്ണിടിച്ചില്, താഴ്ന്ന പ്രദേശങ്ങളില് വെള്ളപ്പൊക്കം എന്നിവ മുന്നില് കണ്ട് കൊണ്ടുള്ള തയ്യാറെടുപ്പുകള് നടത്താനും അതീവ ജാഗ്രത പാലിക്കാനും നിര്ദ്ദേശം നല്കി. മല്സ്യ തൊഴിലാളികള് ഒരു കാരണവശാലും കടലില് പോകാന് പാടുള്ളതല്ല.
റെഡ്, ഓറഞ്ച് അലേര്ട്ട് പ്രഖ്യാപിച്ചിട്ടുള്ള ജില്ലകളില് ദുരന്ത സാധ്യത മേഖലകളില് ഉള്ളവരെ ഉടനെ തന്നെ മുന്കരുതലിന്റെ ഭാഗമായി ക്യാമ്പുകളിലേക്ക് മാറ്റേണ്ടതാണ്. രാത്രി സമയങ്ങളില് മഴ ശക്തിപ്പെടുന്ന സാഹചര്യം കാണുന്നതിനാല് ഉരുള്പൊട്ടല്, മണ്ണിടിച്ചില് സാധ്യതയുള്ള പ്രദേശങ്ങളില് മുന്കരുതലിനായി പകല് സമയം തന്നെ നിര്ബന്ധപൂര്വ്വം ആളുകളെ മാറ്റി താമസിപ്പിക്കുവാനും, മണ്ണിടിച്ചില് മൂലമുള്ള അപകടങ്ങള്ക്ക് സാധ്യത ഉള്ളതിനാല് വൈകീട്ട് 7 മുതല് പകല് 7 വരെയുള്ള സമയത്തുള്ള മലയോര മേഖലയിലേക്കുള്ള രാത്രി ഗതാഗതം നിരോധിച്ച് ഉത്തരവ് പുറപ്പെടുവിക്കുവാനും നിര്ദേശം നല്കി.