വെന്നിയൂരില്‍ റോഡരികില്‍ മരിച്ച നിലയില്‍ കണ്ടെത്തി

തിരൂരങ്ങാടി: ദേശീയപാത വെന്നിയൂരില്‍ റോഡരികില്‍ ഒരാളെ മരിച്ച നിലയില്‍ കണ്ടെത്തി. ഇന്ന് രാവിലെ വെന്നിയൂര്‍ അങ്ങാടിക്ക് സമീപമാണ് കണ്ടത്. മുഖത്ത് ഉള്‍പ്പെടെ ദേഹത്ത് പരിക്കേറ്റ നിലയിലാണ്. വണ്ടി ഇടിച്ചതാണോ അല്ലെങ്കില്‍ മറ്റേതെങ്കിലും സംഭവിച്ചതാണോ
എന്ന് വ്യക്തമല്ല.

മുണ്ടും അടിവസ്ത്രവുമാണ് വേഷം. മൃതദേഹം തിരൂരങ്ങാടി താലൂക്ക് ആശുപത്രിയിലേക്ക് മാറ്റി.

റോഡരികില്‍ പരിക്കേറ്റ് കിടന്ന ഇയാള്‍ക്ക് ജീവനുണ്ടെന്ന് കരുതി പൊതുപ്രവര്‍ത്തകന്‍ താണിക്കല്‍ ഫൈസലാണ് തിരൂരങ്ങാടി താലൂക്ക് ഹോസ്പിറ്റലില്‍ എത്തിച്ചത്. എന്നാല്‍ ആശുപത്രിയില്‍ എത്തിച്ചെങ്കിലും മരണപ്പെട്ടിരുന്നു.