കൊച്ചി: നടിയെ പീഡിപ്പെച്ചെന്ന കേസില് നടനും എംഎല്എയുമായ മുകേഷിനും, നടന് ഇടവേള ബാബുവിനും മുന്കൂര് ജാമ്യം അനുവദിച്ച് കോടതി. എറണാകുളം സെഷന്സ് കോടതിയാണ് ജാമ്യം അനുവദിച്ചത്. കേരളം വിടരുത്, അന്വേഷണവുമായി സഹകരിക്കണം എന്നീ ഉപാധികളോടെയാണ് മുകേഷിന് ജാമ്യം അനുവദിച്ചിരിക്കുന്നത്. കഴിഞ്ഞ ദിവസം പ്രതികളുടെ മുന്കൂര് ജാമ്യാപേക്ഷ തേടിയുള്ള ഹര്ജികളില് എറണാകുളം പ്രിന്സിപ്പല് സെഷന്സ് കോടതി വിശദമായ വാദം കേട്ടിരുന്നു. സത്യം തെളിയിക്കാനുള്ള യാത്രയില് ആദ്യപടി കടന്നെന്ന് മുകേഷിന്റെ അഭിഭാഷകന് പ്രതികരിച്ചു.
ബലാത്സംഗം ചെയ്തെന്ന ആലുവ സ്വദേശിനിയായ നടിയുടെ പരാതി കെട്ടുകഥയെന്നായിരുന്നു മുകേഷിന്റെ വാദം. 15 വര്ഷങ്ങള്ക്കുശേഷം പരാതിയുമായി വന്നതിന് പിന്നില് മറ്റ് ലക്ഷ്യങ്ങളുണ്ടെന്നും തന്നോട് പണം ആവശ്യപ്പെട്ടിരുന്നു എന്നും ബ്ലാക്ക് മെയില് ശ്രമം നടത്തിയെന്നും മുകേഷ് പറഞ്ഞിരുന്നു. പരാതിയുന്നയിച്ച നടിക്കെതിരായ തെളിവുകള് കോടതിയില് കൈമാറിയെന്നും മുകേഷ് വ്യക്തമാക്കിയിരുന്നു.
താര സംഘടനയായ അമ്മയില് അംഗത്വം നല്കാമെന്ന് വാഗ്ദാനം ചെയ്ത് പീഡിപ്പെച്ചെന്നാണ് ഇടവേള ബാബുവിനെതിരായ കേസ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
