തിരുവനന്തപുരം : കേന്ദ്ര സര്ക്കാരിന്റെ പുതിയ കാര്ഷിക നിയമ ഭേദഗതികള് ചര്ച്ച ചെയ്ത് തള്ളിക്കളയാനായി നാളെ ചേരാനിരുന്ന പ്രത്യേക നിയമസഭാ സമ്മേളനത്തിന് ഗവര്ണര് അനുമതി നിഷേധിച്ചു. സംഭവത്തില് ഗവര്ണര് സര്ക്കാരിനോട് വിശദീകരണം തേടിയിരുന്നു . എന്നാല് സര്ക്കാര് നല്കിയ വിശദീകരണം ഗവര്ണര് തള്ളുകയായിരുന്നു.
കേരള ചരിത്രത്തില് തന്നെ ആദ്യമായാണ് പ്രത്യേക നിയമസഭാ സമ്മേളനത്തിന് അനുമതി നിഷേധിച്ചുകൊണ്ട് ഗവര്ണര് തീരുമാനമെടുക്കുന്നത് .പ്രത്യേക സമ്മേളനം ചേരേണ്ട അടിയന്തര സാഹചര്യമില്ലെന്ന് ചൂണ്ടിക്കാട്ടിയാണ് ഗവര്ണറുടെ നടപടി. ഗവര്ണര് തെറ്റായ കീഴ്വഴക്കം ഉണ്ടാക്കുകയാണെന്നും തീരുമാനം പുനഃപരിശോധിക്കണമെന്നും കോണ്ഗ്രസ് ആവശ്യപ്പെട്ടു. എന്തു ചര്ച്ച ചെയ്യണമെന്ന് മന്ത്രിസഭയാണ് തീരുമാനിക്കുന്നതെന്നും ഗവര്ണറല്ലെന്നും നേതാക്കള് വ്യക്തമാക്കി.
ഗവര്ണര് അനുവാദം നല്കാത്ത സാഹചര്യത്തില് പ്രത്യേക നിയമസഭാ സമ്മേളനം ഉണ്ടാകില്ലെന്ന് സ്പീക്കറുടെ ഓഫിസ് അറിയിച്ചു . പ്രത്യേക സമ്മേളനം ഇനി എന്ന് ചേരണമെന്നതില് തീരുമാനമെടുത്തിട്ടില്ല. മുഖ്യമന്ത്രി പിണറായി വിജയന് കൃഷി മന്ത്രി വി.എസ്. സുനില്കുമാറുമായി കൂടികാഴ്ച നടത്തി തീരുമാനമെടുക്കും.
