HIGHLIGHTS : തൃശ്ശൂര്‍ ; രണ്ടാം തവണയും തന്നെ രാജ്യസഭയിലേക്ക് പരിഗണിക്കാഞ്ഞതില്‍ അതൃപ്തിയുമായി നടന്‍ സുരേഷ്‌ഗോപി. ഏതെങ്കിലും പദവിയില്‍ ഇരുന്ന് പ്രവര്‍ത്തിക്കാം അ...
സുരേഷ്‌ഗോപിയുടെ രാജ്യസഭ കാലാവധി ഏപ്രില്‍ 24നാണ് അവസാനിച്ചത്. ഈ സമയത്ത് തന്നെ തൃശ്ശൂര്‍ കേന്ദ്രീകരിച്ച് പ്രവര്‍ത്തിക്കാന്‍ ബിജെപി നേതൃത്വം സുരേഷ്‌ഗോപിയോട് നിര്‍ദ്ദേശിച്ചിരുന്നു. അടുത്തതവണ ലോകസഭയിലേക്ക് മത്സരിപ്പിക്കാനായിരുന്നു ലക്ഷ്യം. 2019ല്‍ ലോകസഭയിലേക്ക് മത്സരിച്ചപ്പോളും 21ല്‍ നിയമസഭയിലേക്ക് മത്സരിച്ചപ്പോളും സുരേഷ്‌ഗോപി ഗണ്യമായ വോട്ട് നേടിയിരുന്നു.
എന്നാല്‍ പലരേയും രണ്ടാം തവണയും രാജ്യസഭയിലേക്ക് പരിഗണിച്ചപ്പോള്‍ തന്നെ ഒഴിവാക്കിയതില്‍ സുരേഷ് ഗോപിക്ക് അതൃപ്തിയുണ്ടെന്നും രാഷ്ട്രീയപ്രവര്‍ത്തനം തന്നെ അവസാനിപ്പിക്കുകയാണെന്ന് ചില സുഹൃത്തുക്കളോട് അദ്ദേഹം പറഞ്ഞതായും റിപ്പോര്‍ട്ടുണ്ട്. ഇതിനിടെ അടുത്ത ദിവസം തന്നെ ദില്ലിയിലെത്തി അദ്ദേഹം ദേശീയനേതാക്കളെ കണ്ടേക്കുമെന്നും റിപ്പോര്‍ട്ടുണ്ട്.
