എറണാകുളം : എടയാര് വ്യവസായ മേഖലയില് വന് തീപിടുത്തം. പെയിന്റ് ഉത്പന്നങ്ങള് നിര്മിക്കുന്ന രണ്ട് കമ്പനികളിലും , റബ്ബര് റീസൈക്ലിംഗ് യൂണിറ്റിലുമാണ് തീപിടിച്ചത്. മുപ്പതിലധികം ഫയര് ഫോഴ്സ് യൂണിറ്റുകളെത്തിയാണ് തീ നിയന്ത്രണ വിധേയമാക്കിയത്.
അര്ധ രാത്രി 12 മണിയോടെയാണ് കടുങ്ങല്ലൂര് എടയാര് വ്യവസായ മേഖലയിലെ മൂന്ന് കമ്പനികള്ക്ക് തീ പിടിച്ചത്. പെയിന്റ് ഉത്പന്നങ്ങള് നിര്മിക്കുന്ന ഓറിയോന് എന്ന കമ്പനിക്കാണ് ആദ്യം തീ പിടിച്ചത്. തീ പടരുന്നത് ശ്രദ്ധയില്പെട്ട തൊഴിലാളികള് ഓടി രക്ഷപ്പെട്ടതിനാല് വന് ദുരന്തം ഒഴിവായി.
ഓറിയോന് കമ്പനി പൂര്ണമായും കത്തി നശിച്ചു. 450 ഏക്കറില് മുന്നൂറോളം വ്യവസായ സ്ഥാപനങ്ങളാണ് എടയാര് മേഖലയില് പ്രവര്ത്തിക്കുന്നത്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
