2024 ലെ പ്രത്യേക സംക്ഷിപ്ത വോട്ടര് പട്ടിക പുതുക്കലിന്റെ ഭാഗമായി മലപ്പുറം ജില്ലയിലെ അന്തിമ വോട്ടര് പട്ടിക പ്രസിദ്ധീകരിച്ചു. 32,79,172 വോട്ടര്മാരാണ് ജില്ലയിലുള്ളത്. ഇതില് 16,40,174 പുരുഷന്മാരും 16,38,971 സ്ത്രീകളും 27 പേര് ഭിന്നലിംഗക്കാരുമാണ്. വോട്ടര്പട്ടിക എല്ലാ അംഗീകൃത രാഷ്ട്രീയ പാര്ട്ടി പ്രതിനിധികളും ബന്ധപ്പെട്ട താലൂക്കുകളില് നിന്നും കൈപ്പറ്റേണ്ടതാണെന്നും അംഗീകൃത രാഷ്ട്രീയ പാര്ട്ടി പ്രതിനിധികളുമായി നടത്തിയ യോഗത്തില് ജില്ലാ തിരഞ്ഞെടുപ്പ് ഓഫീസര് കൂടിയായ ജില്ലാ കളക്ടര് വി.ആര്. വിനോദ് അറിയിച്ചു.
വോട്ടര് പട്ടികയില് യോഗ്യരായ പരമാവധി പേരെ ഉള്പ്പെടുത്തുന്നതിനുള്ള പ്രവര്ത്തനങ്ങള് രാഷ്ട്രീയ പാര്ട്ടികളുടെ ഭാഗത്തുനിന്ന് ഉണ്ടാകണമെന്നും കളക്ടര് പറഞ്ഞു. നിലവില് 18 വയസ്സ് പൂര്ത്തിയായവര്ക്ക് വോട്ടര് പട്ടികയില് തുടര്ന്നും പേര് ചേര്ക്കാവുന്നതാണ്. കളക്ടറുടെ ചേമ്പറില് നടന്ന യോഗത്തില് വിവിധ രാഷ്ട്രീയ പാര്ട്ടി പ്രതിനിധികള് പങ്കെടുത്തു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
