HIGHLIGHTS : Father, daughter killed in train accident in Tanur
താനൂര്: വട്ടത്താണി വലിയപാടത്ത് ട്രെയിന് തട്ടി പിതാവും മകളും മരിച്ചു. തലകടത്തൂര് സ്വദേശി കണ്ടം പുലാക്കല് അസീസ് (46),മകള് അജ്വമര്വ എന്നിവരാണ് മരിച്ചത്. ബന്ധുവീട്ടില് വന്ന് സാധനങ്ങള് വാങ്ങാന് മകളുമൊന്നിച്ച് കടയിലേക്ക് പോകവെ റെയില്പാളം മുറിച്ച് കടക്കുന്നതിന് ഇടയില് മംഗലാപുരത്ത് നിന്നും ചെന്നൈയിലേക്ക് പോകുന്ന ട്രെയിന് തട്ടിയാണ് അപകടം സംഭവിച്ചത്.അസീസിന്റെ മൃതശരീരത്തിന്റെ ഭാഗങ്ങള് തിരൂര് റെയില്വേ സ്റ്റേഷനില് ട്രെയിന് നിര്ത്തിയസമയത്ത് ട്രെയിനില് കുടുങ്ങികിടന്ന നിലയിലാണ് കണ്ടെത്തിയത്. ഇന്നലെ രാത്രിയിലാണ് അപകടം സംഭവിച്ചത്.