HIGHLIGHTS : Fake woman doctor arrested in Thrissur
തൃശ്ശൂര്: നെടുപുഴയില് വ്യാജ വനിതാ ഡോക്ടര് അറസ്റ്റില്. പാലക്കാട് ശ്രീകൃഷ്ണപുരം സ്വദേശി ജയലളിതയെയാണ് പിടികൂടിയത്.
നെടുപുഴ വട്ടപ്പൊന്നി പ്രാഥമികാരോഗ്യ കേന്ദ്രത്തില് ഡോക്ടറാണെന്ന് സ്വയം പരിചയപ്പെടുത്തി രോഗികളെ പരിശോധിക്കാന് ഒരുങ്ങവേ സംശയം തോന്നിയ ജീവനക്കാര് പൊലീസില് വിവരമറിയിച്ചതോടെയാണ് ജയലളിത കുടുങ്ങിയത്.
പൊലീസ് എത്തി ചോദ്യം ചെയ്തതോടെയാണ് വ്യാജ ഡോക്ടറാണെന്ന് തിരിച്ചറിഞ്ഞത്. നേരത്തെ ഹോംനഴ്സായി ജോലി ചെയ്യുകയായിരുന്നു പിടിയിലായ ജയലളിത. കൂടുതല് പണമുണ്ടാക്കാനാണ് ഡോക്ടറുടെ വേഷം കെട്ടിയതെന്നും യുവതി പൊലീസിനോട് പറഞ്ഞു.