HIGHLIGHTS : employment opportunities; Recruiting volunteers
വളണ്ടിയര്‍മാരെ നിയമിക്കുന്നു
കെ.ആര്‍.ഡബ്യു.എസ്.എ മലപ്പുറം മേഖല കാര്യാലയത്തിന് കീഴില്‍ മലപ്പുറം ജില്ലയിലെ ചാലിയാര്‍, ഉറങ്ങാട്ടിരി, വേങ്ങര, പറപ്പൂര്‍, ഒഴൂര്‍, തെന്നല, പെരുമണ്ണക്ലാരി എന്നീ ഗ്രാമപഞ്ചായത്തുകളില്‍ നടപ്പിലാക്കുന്ന ജല ജീവന്‍ മിഷന്‍ സമ്പൂര്‍ണ്ണ കവറേജിനുവേണ്ടി 755 രൂപ നിരക്കില്‍ ദിവസവേതനാടിസ്ഥാനത്തില്‍ വളണ്ടിയര്‍മാരെ നിയമിക്കുന്നു. ഡിപ്ലോമ ഇന്‍ സിവില്‍ എഞ്ചിനീയറിങ് അടിസ്ഥാന യോഗ്യതയുള്ള ഉദ്യോഗാര്‍ത്ഥികള്‍ ബന്ധപ്പെട്ട സര്‍ട്ടിഫിക്കറ്റുകളുടെ ഒറിജിനല്‍ സഹിതം കെ.ആര്‍.ഡബ്ല്യു.എസ്.എ മലപ്പുറം മേഖല കാര്യാലയത്തില്‍ മാര്‍ച്ച് 9 ന് ന് രാവിലെ 10 മണിക്ക് അഭിമുഖത്തിന് ഹാജരാവണം. പ്രവൃത്തി പരിചയമുള്ളവര്‍ക്കും അതാത് ഗ്രാമ പഞ്ചായത്തുകളില്‍ സ്ഥിര താമസമാക്കിയവര്‍ക്കും മുന്‍ഗണന നല്‍കും. കൂടുതല്‍ വിവരങ്ങള്‍ 0483 2738566, 8281112057 എന്നീ നമ്പറുകളില്‍ ലഭിക്കും.
ഗസ്റ്റ് ഇന്‍സ്ട്രക്ടര്‍ നിയമനം
താഴെക്കോട് ഗവ: ഐ ടി ഐ യില്‍ എംപ്ലോയബിലിറ്റി സ്‌കില്‍ വിഷയത്തില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നു .എം ബി എ /ബി ബി എ ബിരുദത്തോടൊപ്പം രണ്ടു വര്‍ഷത്തെ പ്രവൃത്തി പരിചയം അല്ലെങ്കില്‍ എക്കണോമിക്‌സ് ,സോഷിയോളജി,സോഷ്യല്‍ വെല്‍ഫയര്‍ എന്നീ വിഷയങ്ങളില്‍ ബിരുദത്തോടൊപ്പം രണ്ടു വര്‍ഷത്തെ പ്രവൃത്തി പരിചയമുള്ള ജനറല്‍ വിഭാഗത്തില്‍പെട്ട ഉദ്യോഗാര്‍ത്ഥികള്‍ക്ക് അപേക്ഷിക്കാം. അഭിമുഖം ഏപ്രില്‍ 9 ന് രാവിലെ 11 മണിക്ക് നടക്കും.
മലബാറി ന്യൂസ് ഓണ്‍ലൈന്‍ വാര്‍ത്തകള്‍ വാട്‌സ്ആപ്പ് ഗ്രൂപ്പുകളിലും ലഭിക്കും. വാട്‌സ്ആപ്പ് ഗ്രൂപ്പില്‍ അംഗമാവാന്‍ ഇവിടെ ക്ലിക്ക് ചെയ്യു
