നവകേരളം കര്മ്മപദ്ധതിയില് ഇന്റേണ്ഷിപ്പിന് അവസരം
നവകേരളം കര്മ്മപദ്ധതിയില് ഇന്റേണ്ഷിപ്പിന് അപേക്ഷ ക്ഷണിച്ചു. എന്വയോണ്മെന്റല് സയന്സ്, ജിയോളജി/എര്ത്ത് സയന്സ്, സോഷ്യോളജി, സോഷ്യല് വര്ക്ക്, ബോട്ടണി എന്നീ വിഷയങ്ങളില് ബിരുദാനന്തര ബിരുദധാരികള്ക്കും സിവില് എന്ജിനീയറിങ്, കൃഷി എന്നീ വിഷയങ്ങളില് ബിരുദധാരികള്ക്കും ജേര്ണലിസത്തില് ബിരുദാനന്തര ബിരുദം അല്ലെങ്കില് പി.ജി ഡിപ്ലോമ വിജയിച്ചവര്ക്കും സിവില് എന്ജിനീയറിങില് മൂന്ന് വര്ഷത്തെ ഡിപ്ലോമ പാസായവര്ക്കും നവകേരളം കര്മ്മപദ്ധതിയില് ഇന്റേണ്ഷിപ്പ് പ്രോഗ്രാമിന് അപേക്ഷിക്കാം. ആറ് മാസമാണ് കാലാവധി. തിരഞ്ഞെടുക്കപ്പെടുന്നവര് 14 ജില്ലാ മിഷന് ഓഫീസുമായും നവകേരളം കര്മ്മപദ്ധതി സംസ്ഥാന ഓഫീസുമായും ബന്ധപ്പെട്ടാണ് പ്രവര്ത്തിക്കേണ്ടത്. അതത് രംഗത്തെ വിദഗ്ധര് പരിശീലനവും മാര്ഗനിര്ദേശങ്ങളും നല്കും. വിജയകരമായി പരിശീലനം പൂര്ത്തിയാക്കുന്നവര്ക്ക് സര്ട്ടിഫിക്കറ്റും പ്രതിമാസം സര്ക്കാര് അംഗീകൃത സ്റ്റൈപന്ഡും നല്കും. അഭിമുഖത്തിന്റെ അടിസ്ഥാനത്തിലാണ് തിരഞ്ഞെടുക്കുക. www.careers.haritham.kerala.gov.in എന്ന ലിങ്കില് 2023 ഏപ്രില് 25 മുതല് മെയ് അഞ്ച് വരെ അപേക്ഷ സമര്പ്പിക്കാം. പ്രായപരിധി 27 വയസ്സ്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
